Дүйнөнүн эң сулуу супермодели Алессандра Амбросио өткөн жумада эл алдына мас болуп чыккан. Жакында эле кыздуу болуп, эне атыккан Алессандра, убактысынын көбүн кичинекей кызын багууга кетирет. Бирок мезгил-мезгили менен ак сөөктөрдүн той-тамашаларына барып көңүл ачып, төрөттөн кийин толуп кетпеген келишимдүү бой келбетин элге көрсөткөндөн да баш тартпайт. Өткөн жумада Алессандра конок катары Тhe Los Premios MTV 2009 латын-америкалык сыйлыкты ыйгаруу аземине катышкан. Салтанаттуу жыйынга катышып, эринбей камерага тартылып бүткөндөн кийин жан жолдошу жана калифорниялык бизнесмен Джейми Мазур менен Лос-Анжелестин түнкү клубуна жөнөшкөн. Бир нече саат бою коктейлден шыңгыта берип, баса албай калган бразилиялык сулууну эри айласы жок ийнине арта салып клубдан алып чыкса, эшикте эки сааттан бери эшейип кол тамга күткөн сулуунун күйөрмандары дароо аны курчап алышат. Алессандра оозун жалжайта жылмая, фотокарточкаларга эптеп-септеп тайтактата кол койот. Андан кийин карап тургандарга кол булгалап, бийик такасы менен бир орунда чимирилип барып, машинасына кулап түшөт. Ошо мезгилде сулуунун кыска этектүү көйнөгү жоон санынан өйдө түрүлүп, бразилиялык бийкечтин болгон жан дүйнөсү айланадагылардын оозун ачырат. Бул окуянын күбөсү болгондор Алессандраны шатырата кол чабуулар менен узатышкан. Алессандра Амбросио бир нече жылдан бери планетадагы эң жакшы делген айымдардын катарына гана кирбестен, дүйнөдөгү эң жогорку сый акы төлөнгөн он адамдын бири болуп саналат. "Forbes" журналы түзгөн эң бай манекен бийкечтердин ичинен 6-орунда турат. Өткөн жылы Амбросио 6 миллион доллар тапкан.
Сайт жөнүндө: ► Бул айылда негизинен кыргыз гезиттери электрондук тиркеме түрүндө жарыяланат. ►Архивге, емейлге жана редакцияга шилтемелер
ошол гезиттин башбарагында берилген. ► Жеке макала жарыялоого буйрутмалар кабыл алынат.
Сведения о сайте: ► На сайте публикуются в основном кыргызскоязычные газеты
в виде электронных подшивок данных газет. ► Ссылки на архивы, емейл и данные о редакции указаны на главной странице конкретной газеты. ►Принимаются заказы на публикацию частных статей.
