Кайрылуу каттары
жана келген каттар:
Поиск
ggle_h
Шайлоо канга бөлөндү
Багдаддагы (Ирак) парламенттик шайлоо күнүндө 38 адам бейажал өлүп, ондогон жарандар жаракаттарды алышкан. Reuters агенттигинин билдиришинче, боевиктер миномет менен шайлоо участогу жайгашкан имаратты аткылашкан. Бир нече снаряддар "жашыл аймак" деп аталган, өкмөттүк жана дипмиссия кеңселери жайгашкан жерге түшүп, жарылган. Ирактын премьер-министри Нури аль-Малики "Болгону чакан гана чуу. Бул добуш берүү процессине таасирин тийгизбейт" - деп элди жооткотту. Ирак парламентиндеги 325 орунга 6200 талапкер ат салышууда. Алардын ичинде Нури аль-Маликинин, вице-президент Тарика аль-Хашеминин, "Ирак улуттук альянсынын" жана күрд блогунун талапкерлери бар. Ал эми экс-президент Саддам Хусейндин тарапташтары шайлоого жолотулган эмес. Жалпы жыйынтык 17-мартка чейин чыгарылат. Алдын ала маалыматтарга караганда, партиялардын бири да парламенттеги көпчүлүк орунду ээлей албайт. Демек, узак убакытка созулган сүйлөшүүлөр жүрүшү мүмкүн.
Диктатордун уулу кайрадан президент
Батыш Африкадагы Того мамлекетинин башчылыгына Фор Гнассингбе кайра шайланды. 7-мартта чыккан жыйынтык боюнча, Гнассингбе шайлоочулардын 60 пайыздан ашыгынын добушуна ээ болгон. Ал эми оппозициядан чыккан талапкер Жан-Пьер Фабре 34 пайыз добуш топтогон. Буга макул болбогон Фабре шайлоо жыйынтыгын тааныбай, тарапташтарын каршылык акциясына чакырган эле. Аны колдоп көчөгө чыккан 200дөй адамды полиция жаш агызуучу газ менен кууп таратты. Тогодо президент 5 жылдык мөөнөт менен чексиз ирет шайлана алат. Фор Гнассингбе 2005-жылы атасы, 38 жыл (өлгүчө) өлкөнү бийлеген диктатор Эйадем Гнассингбенин ордуна ажолук такка отурган. Бирок, ал деле бийликке мыйзамсыз жолдор менен келген дешет бир катар дүйнөлүк укук коргоо органдары. БУУнун эсеби боюнча ошондо 400 адам каршылык акцияларынын курмандыктары болушкан. AFP
Саакашвили наркоман издейт
Грузиянын президенти Михаил Саакашвили Саламаттыкты сактоо министрлигине өзгөчө тапшырма берди. Ал чиновниктеринин баңги затын колдоноор-колдонбосун текшертип көрмөкчү. "Грузия-Онлайн" агенттигинин кабарлашынча, Президенттин өзү көч баштап, чачын анализге тапшырат. "Мамлекеттик сектордо 10 миңден ашуун кызматкер иштейт. Биз баңгиден толук тазаланышыбыз керек", - дейт Саакашвили. О.э., чиновниктерден кийин бизнесмендер текшерилерин, анализ үчүн чачтын бир талы гана керек болорун кошумчалаган. Адамды чач аркылуу изилдөө эң так тесттердин бири экен. Мындай жол менен наркоманды таап эле тим болбостон, колдонгон убактысын да болжолдуу аныктаса болот.
100 доллар өзгөрөт
Үстүбүздөгү жылдын 21-апрелинде 100 номиналдуу АКШ долларынын дизайны өзгөртүлүп, кайра басылган варианты жүгүртүүгө чыгарылат. АКШ Мамказнасынын атайын бөлүмүнөн билдиришкенине караганда, мындай кадам жасалма акча жасоочулар менен күрөшүү жана элди жасалма акчалардан коргоо максатында жүргүзүлүүдө.
Америкалык мэр 15 жылга кесилди
АКШдагы Бирмингем (Алабама штаты) шаарынын мэри Ларри Лэнгфорд 15 жылга эркинен ажыратылды, деп билдирет Associated Press. Ал 2009-жылдын октябрында паракорчулукка айыпталган (айып тагылар замат шаар башчылыгынан түшүрүлгөн). 63 жаштагы экс-мэр кызматында турганда жалпы суммасы 241 843 долларлык баалуу белектерди жана акчаларды алыптыр. Алгач анын адвокаты белектер пара катары берилбегенин айтып, чырылдап жатканы менен банкир Билл Блаунт мэрге жең ичинен акча сунганын мойнуна алды. Блаунттун өзүн да 4 жылга абакка айдамай болушту. Ал эми Ленгфордго 15 жылдыгына удаа эле 3 жылдык сыноо мөөнөтү берилди. О.э., 241843 долларды, төлөнбөй калган 119985 доллар салыкты мамлекетке кайтарууга милдеттендирилди. 5-апрелге чейин экс-мэр түрмөгө өзү барышы керек, деп кошумчалайт агенттик.
Төңкөрүлгөн ажо кызматка келди
Венесуэла президенти Уго Чавес Гондурастын бийликтен кулатылган президенти Мануэль Селаяны "Петрокарибенин" саясий кеңешинин башчылыгына дайындады. Венесуэла ТИМ министри Николас Мадуронун айтымында, "Петрокарибе" Латын Америкасындагы демократияны жана стабилдүүлүктү сактоо маселелери менен баш оорутат. Ал 2005-жылы Венесуэла тарабынан түзүлгөн. "Петрокарибе" Кариб бассейниндеги 17 өлкөгө арзандатылган баа менен күнүнө 220 миң баррелге чейин нефть жеткизет. Эске салсак, М.Селая былтыры жайда төңкөрүш жолу менен президенттик тагынан кол жууган.
Ваннадагы миллиондогон микробдор
Манчестер университетинин окумуштуулары аңдоостон ачылыш жасашты. Алар кадимки эле тиш щеткасында E. coli ичеги таякчалары, стафилококк, стрептококк жана Кандида тукумундагы грибоктор баш болгон жүз миллиондон ашуун бактериялар жашай тургандыгын аныкташкан. Андыктан, тазалыкты сактоодо колдонулуучу аспаптарды унитаздан алыс сактаңыздар! Көпчүлүк тиш щеткасын унитаздан алыс эмес жерге, анан калса ачык сактап, ошонун артында күн сайын өмүрүн коркунучка кептеп атканын биле бербейт. Анткени, унитаздагы сууну агызганда патогендик бактериялар абага "качып" чыгып, жакын жердеги буюм-тайымдарга конуп, отурукташат. Бактериялар 2 метрге жакын аралыкка чейин чабыттай алышат. Даараткана менен жуунуучу жай бир жайгашкан бөлмөдө тиш щеткасынан сырткары сүлгү, самын, кремдер ж.б. болоорун эске алсак, анда гигиеналык чаралар тескерисинче жүрүп жатканын түшүнөбүз. Демек, ваннаны бат-баттан дезинфекциялап, тиш щеткаларын атайын жабык жайларда сактаган оң, дешет окумуштуулар.
Мухаммед-Али Токтакунов
ggle_v
кыргыз тилиндеги гезит "Ачык саясат"
ggle_v
oh_kaptal
Тагыраак көрсөткүчтөрдү
Кыргыз Улуттук Банкынан табасыз: биерде >>
Эркин макалалар
Назаралиев Ж.
Турсунбай Бакир уулу
Назаралиев Ж.
Гезиттердеги кызык макалалардын топтому
жана келген каттар:
| Керектүү материалды ушул жерден издегиле: |
Дүрбөлөң дүйнө
Шайлоо канга бөлөндү
Багдаддагы (Ирак) парламенттик шайлоо күнүндө 38 адам бейажал өлүп, ондогон жарандар жаракаттарды алышкан. Reuters агенттигинин билдиришинче, боевиктер миномет менен шайлоо участогу жайгашкан имаратты аткылашкан. Бир нече снаряддар "жашыл аймак" деп аталган, өкмөттүк жана дипмиссия кеңселери жайгашкан жерге түшүп, жарылган. Ирактын премьер-министри Нури аль-Малики "Болгону чакан гана чуу. Бул добуш берүү процессине таасирин тийгизбейт" - деп элди жооткотту. Ирак парламентиндеги 325 орунга 6200 талапкер ат салышууда. Алардын ичинде Нури аль-Маликинин, вице-президент Тарика аль-Хашеминин, "Ирак улуттук альянсынын" жана күрд блогунун талапкерлери бар. Ал эми экс-президент Саддам Хусейндин тарапташтары шайлоого жолотулган эмес. Жалпы жыйынтык 17-мартка чейин чыгарылат. Алдын ала маалыматтарга караганда, партиялардын бири да парламенттеги көпчүлүк орунду ээлей албайт. Демек, узак убакытка созулган сүйлөшүүлөр жүрүшү мүмкүн.
Диктатордун уулу кайрадан президент
Батыш Африкадагы Того мамлекетинин башчылыгына Фор Гнассингбе кайра шайланды. 7-мартта чыккан жыйынтык боюнча, Гнассингбе шайлоочулардын 60 пайыздан ашыгынын добушуна ээ болгон. Ал эми оппозициядан чыккан талапкер Жан-Пьер Фабре 34 пайыз добуш топтогон. Буга макул болбогон Фабре шайлоо жыйынтыгын тааныбай, тарапташтарын каршылык акциясына чакырган эле. Аны колдоп көчөгө чыккан 200дөй адамды полиция жаш агызуучу газ менен кууп таратты. Тогодо президент 5 жылдык мөөнөт менен чексиз ирет шайлана алат. Фор Гнассингбе 2005-жылы атасы, 38 жыл (өлгүчө) өлкөнү бийлеген диктатор Эйадем Гнассингбенин ордуна ажолук такка отурган. Бирок, ал деле бийликке мыйзамсыз жолдор менен келген дешет бир катар дүйнөлүк укук коргоо органдары. БУУнун эсеби боюнча ошондо 400 адам каршылык акцияларынын курмандыктары болушкан. AFP
Саакашвили наркоман издейт
Грузиянын президенти Михаил Саакашвили Саламаттыкты сактоо министрлигине өзгөчө тапшырма берди. Ал чиновниктеринин баңги затын колдоноор-колдонбосун текшертип көрмөкчү. "Грузия-Онлайн" агенттигинин кабарлашынча, Президенттин өзү көч баштап, чачын анализге тапшырат. "Мамлекеттик сектордо 10 миңден ашуун кызматкер иштейт. Биз баңгиден толук тазаланышыбыз керек", - дейт Саакашвили. О.э., чиновниктерден кийин бизнесмендер текшерилерин, анализ үчүн чачтын бир талы гана керек болорун кошумчалаган. Адамды чач аркылуу изилдөө эң так тесттердин бири экен. Мындай жол менен наркоманды таап эле тим болбостон, колдонгон убактысын да болжолдуу аныктаса болот.
100 доллар өзгөрөт
Үстүбүздөгү жылдын 21-апрелинде 100 номиналдуу АКШ долларынын дизайны өзгөртүлүп, кайра басылган варианты жүгүртүүгө чыгарылат. АКШ Мамказнасынын атайын бөлүмүнөн билдиришкенине караганда, мындай кадам жасалма акча жасоочулар менен күрөшүү жана элди жасалма акчалардан коргоо максатында жүргүзүлүүдө.
Америкалык мэр 15 жылга кесилди
АКШдагы Бирмингем (Алабама штаты) шаарынын мэри Ларри Лэнгфорд 15 жылга эркинен ажыратылды, деп билдирет Associated Press. Ал 2009-жылдын октябрында паракорчулукка айыпталган (айып тагылар замат шаар башчылыгынан түшүрүлгөн). 63 жаштагы экс-мэр кызматында турганда жалпы суммасы 241 843 долларлык баалуу белектерди жана акчаларды алыптыр. Алгач анын адвокаты белектер пара катары берилбегенин айтып, чырылдап жатканы менен банкир Билл Блаунт мэрге жең ичинен акча сунганын мойнуна алды. Блаунттун өзүн да 4 жылга абакка айдамай болушту. Ал эми Ленгфордго 15 жылдыгына удаа эле 3 жылдык сыноо мөөнөтү берилди. О.э., 241843 долларды, төлөнбөй калган 119985 доллар салыкты мамлекетке кайтарууга милдеттендирилди. 5-апрелге чейин экс-мэр түрмөгө өзү барышы керек, деп кошумчалайт агенттик.
Төңкөрүлгөн ажо кызматка келди
Венесуэла президенти Уго Чавес Гондурастын бийликтен кулатылган президенти Мануэль Селаяны "Петрокарибенин" саясий кеңешинин башчылыгына дайындады. Венесуэла ТИМ министри Николас Мадуронун айтымында, "Петрокарибе" Латын Америкасындагы демократияны жана стабилдүүлүктү сактоо маселелери менен баш оорутат. Ал 2005-жылы Венесуэла тарабынан түзүлгөн. "Петрокарибе" Кариб бассейниндеги 17 өлкөгө арзандатылган баа менен күнүнө 220 миң баррелге чейин нефть жеткизет. Эске салсак, М.Селая былтыры жайда төңкөрүш жолу менен президенттик тагынан кол жууган.
Ваннадагы миллиондогон микробдор
Манчестер университетинин окумуштуулары аңдоостон ачылыш жасашты. Алар кадимки эле тиш щеткасында E. coli ичеги таякчалары, стафилококк, стрептококк жана Кандида тукумундагы грибоктор баш болгон жүз миллиондон ашуун бактериялар жашай тургандыгын аныкташкан. Андыктан, тазалыкты сактоодо колдонулуучу аспаптарды унитаздан алыс сактаңыздар! Көпчүлүк тиш щеткасын унитаздан алыс эмес жерге, анан калса ачык сактап, ошонун артында күн сайын өмүрүн коркунучка кептеп атканын биле бербейт. Анткени, унитаздагы сууну агызганда патогендик бактериялар абага "качып" чыгып, жакын жердеги буюм-тайымдарга конуп, отурукташат. Бактериялар 2 метрге жакын аралыкка чейин чабыттай алышат. Даараткана менен жуунуучу жай бир жайгашкан бөлмөдө тиш щеткасынан сырткары сүлгү, самын, кремдер ж.б. болоорун эске алсак, анда гигиеналык чаралар тескерисинче жүрүп жатканын түшүнөбүз. Демек, ваннаны бат-баттан дезинфекциялап, тиш щеткаларын атайын жабык жайларда сактаган оң, дешет окумуштуулар.
Мухаммед-Али Токтакунов
WebMoney кошелек:
Z189154646502
R429713653063
Орусча - по-русски:
Z189154646502
R429713653063
Орусча - по-русски:
| • | Бесплатные уроки... |
| • | Про кырг._раскладку |
| • | Про кырг._шрифты |
| • | Про меня |
• Словарь-Сөздүк:
- кырг.-рус. >>- проект - а >> • Уроки:
Кырг_раскладка >> Кыргызский язык через Библию >> • Бесплатно:
Кыргыз шрифты >>• Религия _ Дин:
Көкө Теңир >>Библия >> Коран >> Ислам и секс: |
|
|
Тагыраак көрсөткүчтөрдү
Кыргыз Улуттук Банкынан табасыз: биерде >>
Макала, чыгарма, жарнама...
Алексей Рощин
| • | Лучший Президент |
Назаралиев Ж.
| • | Курманбек Салиевич Бакиев, тур ордуңдан, сот келатат! |
Турсунбай Бакир уулу
| • | "Мой курс - отстранить родственников президента от власти" |
Назаралиев Ж.
| • | Курманбек Бакиев кимди мураскер кылып калтырат? |
| • | Кого Курманбек Бакиев назначит преемником? |
Кызык макала
| • | Курандын да, Манастын да атын булгап... |
| • | Өлкөбүз "көкмээлер аралчасына" айланабы? |
| • | Дин жана дил: 1-макала 2-макала 3-макала |
| • | Чыңгыздын айымдары: 1-макала 2-макала 3-макала 4-макала 5-макала 6-макала |