Кыргыз гезиттеринин жањылыктары •
Кыргыз гезиттери



  Ымала

Түштүккө жагынгандагы кербезиби?
Бу генералдын акыркы жүрүштөрүн такыр түшүнүп бовой калды. Башкасы бүтүп эми кечээ эле Бакиев маалында жининдей көрүп жүргөн карт бөрү Үсөн Сыдыков менен бала Масалиевдин сотуна барып, жылмаңдашып сүйлөшүп жаткан жеринен тартып алыптыр. Ырас кылыптыр, бу генералдын чыныгы жүзүн эл көрсүн. Кыязы экөөнүн сотуна катышып түштүккө жагынып, шайлоодо упай топтойм деп жатканы го. Бу Сиз сүйлөшүп жаткан экөө түштүккө жек көрүндү болуп бүткөнү качан!


  Сүйлөйт десе эле

Тажибаева тантырай берет…
Кечээ бүт дүйнөнү каратып, Вашингтондон даңктуу сыйлык алган Роза Отунбаеванын кадырын көрүп, кыргыз атпайдын жүрөгү толкундап турган чакта Батышта куугунда жүргөн өзбек укук коргоочусу Мутабар Тажибаева бул сыйлык Отунбаевага жаңылыш берилди, ал Оштогу согушка көз жуумп койгон деп күнөөлөп гана тим болбостон алган сыйлыкты кайра кайтараарын айтып чыкты. Аны уккан кыргыздар бүгүн намыстанып, ажо айымга боор тартып турган чагы. Эмнеси болсо да качкын аялдын сөзүнөн жыйынтык чыгарууга болбойт. Кыргыздар мындайды "ит үрө берет, кербен жүрө берет" деп коет. Кыязы Мутабар айым өзүн Отунбаевадан өйдө сезет окшобойбу. Жылмайбаска арга жок…


  Шыпырга кат

Мекенин мээлегени эмне?
Акыркы убакта бир кезде чээнге кире качкан кадимки эле Эшимканов катуу чыга баштады эй. Чыкканда дагы бийликке азуу көрсөтүп баштады. Булл ирет да өткөндө "Учур" гезитине жарыялаган "Шыпырга кат" деген аңгемесин улантыптыр. Окуп алып боорубуз катты. Негизи эле бийлик керек болгондо жулунуп чыга калган Мекебиздин буга чейинки тарыхынан сабак ала турган болсок, анда кайрадан бийликти эңсей баштаган көрүнөт.


  Отко күйбөгөн, сууга чөкпөгөн

Президенттин кеңешчиси сотто утулду
Бул мырзаны отко күйбөгөн, сууга чөкпөгөн Айжигитов деп айткандан башка арга жок. 2011-жылдын январында Баткен областтык прокуратурасы тарабынан эки кылмыш иши козголуп, ошого улай кызматынан кеткен Баткен областынын губернатору Айжигитов эч нерсе болбогондой, эч нерсе билбегендей болуп, Президенттик аппаратка барып, болгондо да Президентке кеңешчи болуп олтуруп калган. Деги эле кылмыш иши козголгон адамды жогорку бийлик тепкичтерине алып келүү канчалык туура экендиги тууралуу Мамлекеттик кадр кызматынын жетекчиси Ч.Арабаев ооз ачып койсо болмок.
9-мартта Кыргыз Республикасынын Жогорку Сотунда экс-губернатор, президенттин кеңешчисинин иши каралып, Жогорку Сот биринчи жана экинчи инстанциядагы соттун чечимин күчүндө калтырды. Көрсө, Султанбай Айжигитов белгилүү кодекстин 143-беренесиндеги эмгек жөнүндө мыйзамдуулук тартибин бузуп, кызмат абалынан кыянаттык менен (304-статья) пайдаланган экен. Акыйкаттуулук орноп, экс-губернаторду сотко берген "Баткен таңы" гезитинин башкы редактору А.Акматов ордуна кайра келди.




Төөбурчакты төөбастыга алган кимдер?
Таластыктарга бүлүк салган төөбурчак деген бир балээ бар. Же анын баасы дыйкандар айткан деңгээлге көтөрүлбөйт. Же таластыктар фасоль эккенин токтотушпайт. Бир кезде фасолдун үстүндө Майрам Акаева отурат экен деп чыр салып жүрүштү эле, кийин анын "долясын" Максим алат экен деген сөз тараган. Бул экөө тең бийликтен кетти. Бүгүн төөбурчактын чыры дагы деле уланууда. Жакында эле Кыргызстанга сапар менен келип кеткен Түркия баш баканы Режеп Тайып Эрдоган түзүлгөн келишимге ылайык, Түркия тарап 10 миң тонна төөбурчакты 33 сомдон алууга макулдашкан. Ал эми Таласта төөбурчактын баасы 25-29 сомдун тегерегинде болуп дыйкандар нааразы. Баарынан кызыгы Роза Отунбаеванын Таласка жасаган сапарынын алдында капысынан көтөрүлө калган фасоль кайрадан мурдагы баасында кабыл алынып жатканы көптөгөн күдүк ойлорду жаратып жаткан чак.




кыргыз тилиндеги гезит "Алиби"




Яндекс.Метрика