 |
|
|
|
|
|
Кайрылуу каттары жана келген каттар:
Сапар алдында  Чечен лидери кыргызды конокко чакырды…Бишкектин тургуну Бейшенбек Жумашалиев кесиби боюнча мугалим. Үч баланын атасы. Көп жылдардан бери гүл өстүрүү менен ишкерлик кылып келет. Жакында бул каарманыбыз Чечен республикасынын президенти Рамзан Кадыровго кат жазып, андан көп өтпөй чечен лидеринен конок болуп кетүүгө чакыруу алган. Ушул жуманын башында Бейшенбек мырза үй-бүлөсү менен Чеченстанга жөнөп кетти. Сапар алдында атайын үйүнө барып, жолугушуп кайттык. - Бейшенбек мырза, Чечен өлкө башчысына кантип кат жазып калдыңыз? - Бул мындай болду. Өткөн жылдын 7-апрелинде неберем Рамзан төрөлөрүнө бир айдай убакыт калганда түш көрдүм. Түшүмдө Рамзан Кадыров экөөбүз Кавказдын бийик тоолорунун башында чогуу жүрүппүз. Муну жакшылыкка жорудум. Эртеси күнү түшүмдү үй-бүлөмө айттым. Эгерде көз жара турган кызым Гүлмира уул төрөсө атын Рамзан коелу деген оюмду билдирдим. Бардыгы колдошту. 7-апрель күнү неберем төрөлгөндө ошол сүйлөшүлгөн боюнча атын Рамзан койдук. Кыргызда эркек баланын төрөлүшүн утурлап түшүндө эл башчысын көрсө жакшы болот дейт. Илгери кыргыздарда хан түшүнө кирсе, жакшы тилек, ниет менен ошол ханга белек тартуулачу экен. Анан мен да ошол салтты улап, бир жумадан кийин Разман Кадыровго кат жазып жөнөттүм. Катымда ал түшүмө кирип, ошонун урматына неберемдин ысмын Рамзан койгондугумду айтып, кыргызда бирөөнүн ысмын койсо, ага тартуулап белек берүү салты бардыгын, мен да, эгерде ылайык көрсө, кыргыздын ак боз үйүн эстелик катары тартуу кылуу ниетим бардыгын баян эткем. Катыма туура 41 күндөн кийин жооп келиптир. Катты Чеченстандан атайын чечендер алып келишиптир. Алар менен бирге Бишкектеги чечен диаспорасынын өкүлдөрү да кошо келишти. Үйүмө келгенден кийин биздин үй-бүлө менен таанышып, Рамзанды көрүшүп, анын күбөлүгүн сүрөткө тартышты. Кыргызстанда төрөлгөн бир ымыркайга Рамзан ысмы берилгендиги тууралуу 15 мүнөттүк видео ролик тартып кетишти. Ал роликти Чеченстандын негизги телеканалынан 3 ирет көрсөтүшүптүр. - Анан дароо эле конокко барып келели деп чечтиңерби? - Чындыгында мен чоң ишеним менен оң жооп күтпөгөн элем. Биз үчүн күтүүсүз болду. Бир чети таң калсак, бир чети аябай кубандык. Чеченстандын тарыхында мындай алгачкы жолу болуп жатыптыр. Буга чейин катардагы эле бирөөнү конокко чакыруу деген болбоптур. Чечен лидери бийик башын кичик кылып, бизди теңине алып, атайын конокко чакыргандыгына чексиз ыраазыбыз. - Рамзан Кадыровго арнап, боз үй баш болгон баалуу белектерди алып бара жатыпсыз. Буларды даярдаганга кимдир бирөөлөр жардам бердиби? - Жок, негизинен өзүмдүн эле эсебимден даярдадым. Бир туугандарым жардам беришти. 110 баштык боз үй, Нарындагы мен деген зергер уста жасаган ээр токумдар, суусар тебетей, жаа октору менен, булгаарыдан жасалган шахмат доскасы ж.б. алып баратам. - Канча каражат кетти? - 1 млн. сомдон ашып кетти... - Кимдер кетип жатышат? - Мен, жубайым Чынара, неберем Рамзан, анын ата-энеси, бир тууган агам. Автоунаа менен кетип баратабыз. 4 миң км.ге жакын жол жүрөт экенбиз. Россиянын аймагына кирерибиз менен Чеченстандын күч органдары тосуп алып, бизди алып кетише турган болуп жатат. Бул биздин коопсуздугубуз үчүн жасалып жаткандыгын айтышты. Чеченстандын тышкы иштер министри айтты. Рамзан Кадыров бизди 1 саат кабыл алат экен. Андан кийин келип, тигилген боз үйдү көрөт. Бизге эки күн маданий иш-чаралар даярдалып атыптыр. Кетерден бир күн мурун бизге шаан-шөкөттүү узатуу расмисин Кадыров өзү катышып өткөрөт экен. Ошондо буюрса 5 күн болобуз го. - Материалдык жардам бергендер болбодубу? - Жок. Моралдык жардамдарын берип жатышат. Өкмөт башчы Алмаз Атамбаевге рахмат. Бизге ак жол каалап узатты. Өзүнүн Рамзан Кадыровго арнаган белегин (картина), ыраазылык катын менден берип жиберди. Документалдык жактарына жардам береби деп ТИМге кайрылсак, министр Казакбаевден эч кандай жардам болгон жок, тилекке каршы. Салкын мамиле кылып койду. - Чечен эли тууралуу кандай ойдосуз? - Чечендер бизге алыс эмес эл. 44-жылдардан бери кыргыздар менен эриш-аркак жашап келет. Ошол жылдары чечендерди массалык кырылуудан кыргыздар калкалап калган. Аны чечендер жакшы билишет. Ыраазылык менен эскерип, айтып жүрүшөт. Бүгүнкү күндө Кыргызстанда 15 миңдей чечен жашайт экен. Арасында белгилүүлөрү да бар. Дүйнөгө аты чыккан бийчи Махмуд Есенбаев Кыргызстандан чыккан. Чеченстандын 1-президенти Жохар Дудаев биздин Кантта туулуп, чоңойгон. Андан кийинки президенти Яндарбиев да биздин жерде туулган. P.S. Бейшенбек Жумашалиев Чеченстандан келгенден кийин ал жактан алган таасирлери, кандай конок болгондуктары тууралуу бизге кенен айтып берүүгө убада берди. Мирлан Дүйшөнбаев <
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||