 |
|
|
|
Кайрылуу каттары жана келген каттар:
 Наримандын 25 миллион доллары бар, бирок… Бакиевдин "бакма баласы" статусуна ээ болгон экс-мэр Нариман Түлеев жөнүндө мындан бир аз убакыт мурун "Нарындын аттуу-баштууларын чогултуп алып, мени колдосоңор президенттикке талапкер болоюн, колдобосоңор башка нарындык жарактуу талапкерлерге акчалай жардам берип, ошону колдоюн дептир" - деген маалымат тараган эле. Чынында, ал жерде Нариман нарындык жердештерине: "Мени колдогула, менде 25 миллион доллар бар, эгер ошончо акчам бар экенине ишенбесеңер, столдун үстүнө жайнатып коёюн" - деп айткандыгы тар чөйрөдө айтылууда. Кыскасы, 25 миллион нак акчасына ишенген Нарикеңди намыстуу нарындыктар анча жактырбай койгондон кийин, айласы кетип: "менден башка да жарактууңарды караштырып көргүлө, мен акчалай жардам көрсөтөм"-деген дешет. Бирок нарындыктардан колдоо таба албай калган Нариман партиялашы Марат Султановду колдоору да айтылып келет. Неси болсо да, акылына, деңгээлине эмес, арам акчасына ишенген ушундай чиновниктер элди ушинтип эмитен сатып алууга далбастап жаткандыктары байкалат. Деги сак болгула, андай "сасыктардан…"  Аялдар дагы эки күйөөгө тийсин... Ырчы, вице-премьер-министр Ибрагим Жунусов Коомдук каналдын "Балдардын сынагынан сынбайсыңбы" теле берүүсүнө келип, ар түркүн суроолорго жооп берди. Башкасын айтпаганда дагы Ибрагим мырзанын эки аял алуу туурасындагы суроого берген жообу, теле көрсөтүүнү көрүп отургандардын оозун ачырды. Тактап айтканда, ырчы-министр: "Эркектер эки аял алса, аялдар дагы эки күйөө менен жашасын" -деп, эсти оодарган оюн билдирди. Мынакей, вице-премьер-министрдин ой-жүгүртүү деңгээли! Кичине кудайды караса боло… Бир аялдын эки эркек менен жашаганы кайсы салтта бар эле?! Керек болсо демократия дегенге жамынып, адам укугу, гендердик теңчилик деп ач-кыйкырык, куу сүрөөн салып, майда улуттун каада-салтын тымызын жок кылуу саясатын жүрүгүзүп келаткан Батыш Европанын, ал түгүл демократиянын атасы болуп саналган Американын өзүндө бир аялдын эки эркек менен жашаганын кезедештирүү мүмкүн эмес. Анан эле Кожоназардын уулу ашкере гумандуу болуп, кыргыз салтында жок нерсени даражасына карабай, "ириген ооздон чириген сөз чыгат" кылып, "оттоп" жатса, жакаңды кармаганга аргасыз болот экенсиң… Бир аз болсо дагы акыл калчасаңыз боло, жарыктык… Коркмазовду эмнеге кордошту? Хаджимурат Коркмазов бүгүнкү күндө депутаттык мандат менен төш белгисин алган менен ант бере албай убара тартып келет. Анын себеби жөнөкөй. Депутат эмес, же жөнөкөй жаран эмес, жарым депутат абалында жүргөн Коркмазовго "ата-журтчулар" ант бердиртпей жаткан имиш. Такталбаган маалыматтарга караганда ошонун айынан Коркмазов "чоң муштум" Ташиев менен бир сыйра мушташа кеткен жайы бар экен. Акыры "ата-журтчулардын" оюнунан тажаган Коркмазов Атамбаевге ыктап, жолугушууга жол издеп жатыптыр. Байболов да тескери бастыбы? Илгери "Ак шумкар" партиясын түптөшүп, 2007-жылдагы парламенттик шайлоодон кийин "Ата Мекен" партиясынын короосунда биротоло калып калган экс-башпрокурор Кубатбек Байболов лидери Өмүрбек Текебаев менен кер-мур айтыша кетип, көп жылдык достук мамилелерине чекит коюлуптур. Байболов жаз алды коалицияны оодарып түшүп, жаңы өкмөттү курайбыз деп эдиреңдеп жүрүшкөн ата мекенчилердин айдагы менен жел компроматтарга толгон бош папкесин ЖК трибунасынан ары-бери көтөрүп чаап, бийликке катуу акаарат айткандай болгон. Анысынан майнап чыкпай, Кукең орто жолдо калганда "Ата-Мекен" башчысы далысын салып, салкын мамиле жасап койгон экен. Өмүкеңден көңүлү калган Кубатбек мырза кечээ-жакында Атамбаевге жолугуп, көп маселени масилеттешип чыкты дейт. Көргөн-билгендердин айтымында, өкмөт башчысынан маанайы салкын чыгыптыр. Кейпи кыйын кырдаалдарда ойт берип кетмейи бар Байболовду Алмаз мырза "бара гой"-деп келген жагына салган окшойт… "Кыргыздар арбадардан айырмаланып, тез арада тыңып алды" Кыргызстанга атайын жумушчу иш сапары менен келген Аялдардын Социалисттик Интернационалы Уюмунун башкы катчысы Марлен Хаас өлкөбүздөгү былтыркы коогалаңдардан кийинки өзгөрүүлөргө жогорку баасын берди. "Кыргызстан ушундай кайгылуу, оор күндөрдөн кийин тез арада бутуна туруп, өлкөнү стабилдүүлүккө алып келип, бир катар чечкиндүү реформаларды жасаган аракетине жогорку баамды берем. Учурда араб өлкөлөрүндө быйылкы революциялардан кийин алигиче баш аламандык өкүм сүрүп, Конституцияны кайра жазып, реформаларды жасоого аракеттер болгону менен, жыйынтыгы көрүнбөй атат. А силердин өлкө бул милдеттерди татыктуу ишке ашыруудасыңар"-деген Марлен Хаас Кыргызстан демокартиялык өнүгүү багытында мындан да зор ийгиликтерди жаратаарына ишенээрин билдирди. Эсиңерге сала кетсек, Аялдардын Социалисттик Интернационалы Уюму дүйнөнүн 126 өлкөсүнүн социалисттик жана социал-демократиялык көз караштагы 156 партиясы мүчө болгон атактуу "Социнтерндин" башкы бутагы болуп эсептелет. Барктабасовдун кымбат баалуу темир тулпарларын Текебаев тартып алганбы? Бакиевдин доорунда вице-спикерлик кызматта чалкалап жүрүп, бүгүн "үй күчүккө" айланган Кубанычбек Исабеков деген бар. Акыркы күндөрү омоктуу ойлорун ортого салып, ар кайсы ММК беттеринен бат-баттан көрүнө баштады. Ошолордун биринде балыкчылык Барктабасов жердешине жаны ачып атканын айтып, коргоп-колдоп чыгыптыр. Кубанычбек Исабеков барктабасовчулар менен болгон Киргшелктогу кармашта ошол жерде жүргөнүн айтып келип "Барктабасовдун сооттолгон Жиптери, Мерседестери бар болчу. Мендеги маалымат боюнча, Текебаев парламенттик шайлоонун алдында ошондой унааларда жүргөн. Балким, алар Урматтын ошол унаалары болуп жүрбөсүн?"-деп ийинин куушуруптур. "Күлгөндүн билгени бар" демекчи, саясаттын сасык оюндарында көп жыл жүрүп, куулук-шумдукту мыкты өздөштүргөн Кукең бир нерсени билгени үчүн айтып жатса керек. Камчы Көлбаевдин жактоочсун Ахмат Бакиев жок кылгысы келеби? Кыргызстандагы чуулгандуу сот иштеринде жактоочу болуп жүргөн Икрамидин Айткуловдун автоунаасын Башпрокуратуранын алдынан өрттөп кетишти. Айткулов белгилүү "вор в законе" Камчы Көлбаевдин жактоочусу жана ошол эле убакта Ахмат Бакиевдин жогорку жазага тартылышын талап кылган жеке ишкер Касым Исмановдун жактоочусу катары сот иштеринде катышып жүрөт. Чуулгандуу бул адвокат унаасын өрттөгөндөр кимдер болушу мүмкүн деген суроого "Азырынча бул же тигил деп так айта албайм. Бирок менин таасирдүү каршылаштарым көп. Мисалы, мен башпрокурордун орун басары Рыскул Бактыбаевден Акмат Бакиевдин жогорку жазага тартылышын талап кылып келем. Мындан тышкары бир нече прокурор, сотторго кылмыш ишин козголушун талап кылуудамын. Бирок мени коркутуп-үркүтүүгө Ахмат Бакиев жана Рыскул Бактыбаев көбүрөөк кызыкдар деп ойлойм"-деген жообун берген. Белгилей кетсек, Икрамидин Айткулов А.Бакиевдин сот ишинде соттор жана айрым прокурорлор ачык эле айыпталуучу тарапка тартып жаткандыгын айтып келет. Кулов куткаргыч болуп кеткенби? "Ар-Намыс" фракциясынын лидери Феликс Кулов акыркы күндөрү депутаттык мандаты менен мансабына таянып, эски тандемдеши Курманбек Бакиевдин жан-жөкөрлөрүн абактан арачалап калууга болгон аракетин көрүп аткандай. Мисалы, Бакиевдин коргоо министри, апрелдеги кан төгүүнүн бирден-бир себепкери Бактыбек Калыевди үй камагына чыгаруу боюнча сотко өтүнүч келтириптир. Ал гана эмес, былтыр август айында бийликти басып алмакчы болгон Урмат Барктабасовду да бошотуп алуунун айла-амалын көрүүдө. Мындан тышкары Феликс Кулов УКМКнын мурдагы орун басары Данияр Дунгановду да абактан бошотуу боюнча сотко өтүнүч жиберген. Бирок апрель окуясында каза болгондордун тууган-уруктарынын катуу нааразычылыгынан улам, бул оюнан арга жок баш тартты. Бирок бул кадамын "жардамчыларым мага шартты туура эмес түшүндүрүп коюшуптур, ошол себептен Дунгановду үй камагына чыгаруу боюнча келтирген өтүнүчүмдү артка алдым"-деп түшүндүрүп, кол алдындагыларына шылтап кутулуп кетти. "Ар-Намыстын" атасынын абактагыларды эркиндикке чыгара албай убара болуп жатканынын сыры эмнеде болду экен? Муну кийинки саныбызда иликтеп көрмөкчүбүз…
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||