Кыргыз гезиттеринин жањылыктары •
Кыргыз гезиттери
меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси


  Шыбыргак

Асмандаган өрдөктөрдү учуруп…
Вице-премьер-министр Акылбек Жапаров өлкөбүздүн бюджети акыркы беш жылда 4 эсеге жогорулаганын маалымдады. Анын сөзүнө караганда беш жыл ичинде өлкөбүздүн ар кайсы тармагында конкреттүү өзгөрүүлөр, алгылыктуу жылыштар орун алган. Алсак, айлык, пенсия 50 пайызга, айыл чарбасындагы түшүмдүүлүк 7 пайызга өскөн. Жолдорду оңдоо, жаңылоо, калыбына келтирүү 10 пайызга жогорулаган. Энергетика тармагындагы 45 пайыздык жоготуу, 25 пайызга чейин төмөндөгөн. Айтор, Акылбек мырза айткан сандарга ишенсек, өлкөбүз болуп көрбөгөндөй өсүп-өнүгүп жатыптыр. Мындай темп менен кетсек, жакынкы жылдарда космоско деле учушубуз мүмкүн болчудай. Бирок, Акылбек мырза айткан акыркы 5 жылдын ичиндеги өсүүлөргө элибиз алымсынбай ач көздөнүп жатабы, же көралбастык кылуудабы, негедир тескерисинче, нааразы болгондордун саны арбыды. Сыягы, Акылбек Жапаров жашоо-турмушу оорлоп, нааразы болгондордун санын, экономикадагы өсүшкө айырбаштап алган окшойт. Орун алмашуудан сумма өзгөрмөк беле десе керек. Ушундан улам, Акылбек мырзанын көзүнө нарындыктардын, алайлыктардын нааразы болгон митингги, өлкөбүздүн экономикасын кубаттаган парад болуп көрүнгөн го деген ой кетет экен. Айтмакчы, Акылбек мырза, жогорудагыдай жетишкендик өлкө башчысы Курманбек Бакиев сунуштаган экономикалык программанын негизинде ишке ашып жатканын, оппозиция өткөргөн Элдик Курултайга карата айткан пикиринде да баса белгилеп, ал эми бийликке "өктөм талап коюп жаткан оппозициянын" өлкөнүн өсүшүн, экономикасын өргө сүйрөөчү "экономикалык программасын көргөнүм жок" деген оюн айткан. Баракелде, дебештен башка арга жок. Баарыбыз Жапаровдой ойлонсок, мамлекетибиз кыйла оңолмок беле. Аттиң, тилекке каршы бир гана асмандаган сандарды тизмектеген Жапаров "туура ойлонуп, кара жанын карч уруп иштеп жатпайбы? Асмандаган өрдөктөрдү учуруп"…

Данияр Үсөновдун башында айланган кара булут…
Элдик Курултай өткөн күнү 17-мартта өкмөт парламент фракциялары алдында өткөн жылдагы ишинин отчетун берди. "Ак жол" фракциясынын депутаты Максат Кунакунов өкмөттүн ишин начар деп баалап, сынга алды. Коммунисттер фракциясынын депутаттары да өкмөттүн ишине ичи чыкпаганын жашырган жок.
Өзгөчө "Ак жол" фракциясынын депутаты Максат Кунакуновдун өкмөттүн ишин начар деп баалап, ага ишеним көрсөтпөө демилгеси, таламандын чак түшүндө чагылган түшкөндөй кылды. "Ак жолчу" Максат Кунакунов Кыргызстанда орточо айлык акы эң төмөн, баалар болсо бай өлкөлөрдүкүнөн жогору экенин экономикалык конкреттүү көрсөткүчтөрдүн негизинде айтып, Өкмөт башчынын куйкасын куруштуруп "жакында сиз Үсөнов мырза, өкмөт ойлонуп жатканын айттыңыз. Бирок, сиз бир ойлонсоңуз аны 4 ай айтасыз. Ноябрда сиз тарифтерди көтөрүүнү ойлондуңуз, мартта болсо аны элге түшүндүрүүнү ойлоно баштадыңыз. Эми болсо байма-бай маалымат жыйындарын чакырып, телекөрсөтүүдөн түшпөй, тарифтерди 200 пайыздан ары көтөрүү зарылдыгын айта баштадыңыз. Элдин нааразылыгы күчөй баштаганда гана өкмөттүн аракетин түшүндүрүүгө өттүңүз. Эми болсо кечигип калдыңыз" - деп, катуу сынга алды. Ошондой эле, өкмөттүн тариф саясаты элге каршы экенине токтолуп, Данияр Үсөнов өлкөнү туңгуюкка баштап баратканын баса белгиледи.
Айтор, буга чейин өкмөткө жылуу-жумшак мактоо айтуудан ары көтөрүлө албаган бийлик партиясынын жаштар канатын жетектеген депутаттын капыс сыны далайлардын эсин эңгиретти. Ал түгүл аркыл божомол-жоромолдорду да жаратты. Айрымдары мындай көрүнүштү, карапайым калктын нааразычылыгын басаңдатуу үчүн, Данияр Үсөновду кызматынан шыпырууга карата жасалган тактика катары жооруп жиберишти. Кыскасы, кандай болгон күндө да "жаманчылыктын жарчысындай" болгон өкмөт башчынын башына кара булут айлана баштады. ..

Чабал өрдөк эрте учат…
Тилинен чаң чыккан Адахам мырзанын, акыркы күндөрү дайыны чыкпай кетти. Ак үйдүн короосунан өгөйлөнүп, сыртка сүрүлүп калганына ич ачышып, кез-кезде бийликти сындап интервью бере койчу эле, анысын да токтотту. Төө минген учурун эстеп, жөө жүргөнүнө чүнчүп кеттиби, белгисиз. Шоубизнестеги "жылдыздай" жылт этип чыгып, жалп этип өчтү. Айтор, кыйын чыкма балага убал эле болду. Бийликке батпайт, же оппозиция кошпойт. Ошондон улам, эл арасында "Адахамдын саясий карьерасы өлдү" деген сөздөр, жөө тумандай каптап жүрсө керек. Сыягы, "чабал өрдөк эрте учат" болду го… Бир сөз менен айтканда, кыргыздардын көңүл сыртында калып барат…

Эшимканов эмне дейт?
Эшимканов деген эски кесиптешибиз бар эмес беле, ханзааданын ЦАРИИсинде байкоочу болуп иштеген. Дал ошол эргул MGN Group жана анын негиздөөчүсү Евгений Гуревичтин айланасындагы чыр-чатакка байланыштуу жергиликтүү басма сөз кызматкерлерин "сенсациянын артынан кууп, карандай ушактарга таянып, чындыкты бурмалап жатышат" - деген мааниде каарып өтүптүр.
Убагында ушак-айыңды кандай кылып чындыкка айлантышты жоон топ окуучуларына мыктылап үйрөткөн карт журналист Мелис мырза, дүйнөлүк алдамчы Гуревичти мынчалык төшүн тосуп коргоп атканына караганда, өзүн "еврей" атап жүргөнү жөн жерден эмес окшойт дегендер четтен чыгууда. Кандай болгон күндө да Кудай буйруп, адилет бийлик орноп калса, "байкоочу" деген кызматына корстон болуп жүргөн Эшимкановго окшогондор "кыргыз элинин ырыскысын каяктагы алдамчыга уурдатып коюп, эмнени байкап отурдуңар?"-деген суроого керт башы менен жооп беришээр…

Курманбек датканын экинчи улуттук долбоору
Акайычтан айырмаланып, чет элге конокко анча көп чакырыла бербеген азыркы ажобуз акыркы жылдары эриккенден өлкөбүздүн ар тарабын айланчыктап калганын "кара жашиктен" көрүп калабыз. Кечээ жакында ошондой иш сапары менен ажобуз ордолуу Ош аймагына барып, экинчи борборубуздун 2010-2015-жылдардагы өнүктүрүү концепциясынын бет ачаарын кылып келди. Ош облусунун губернатору Мамасадык Бакиров тарабынан "Датка" наамын кошо ала келген ажобуз, жакынкы жылдары Ош шаарында жаңы кичи райондор, көчөлөр салынып жомоктогудай өзгөрөөрүн, кыргыз бийлиги бул үчүн 50 млн.доллар бөлүп аткандыгын жарыя кылды. Бирок, 50 млн. доллар бизге окшогон карапайым калк үчүн опол-тоодой көрүнгөнү менен, бул акчага көп кабаттуу үйлөрдөн көп болсо эки-үчөөнү салганга жетсе керек. Улуттук долбоорго айланганы турган Ош шаарынын жаңыртылышы "айдаганы беш эчки, ышкырыгы таш жарат" дегенге окшошуп калды окшойт…

Экс-премьер эсептен жаңылдыбы же…
Бала Бакиевдин Өнүктүрүү агенттигине баш ийген, Өнүктүрүү фондубуздун төрагасы Игорь Чудинов орус өкмөтү берген 300 миллион долларлык каражаттын кайда кеткени тууралуу маалымат бериптир. Анысында, "Каржы министрлиги Өнүктүрүү фондуна Орусиядан кредитке келген 286 миллион доллар акча каражатты өткөрүп берген. Бүгүнкү күндө 100 миллион доллар Камбар-Ата-2 улуттук долбоорго жумшалды. Андан сырткары 17 миллион кыргыз банктарында депозит болуп турат. 71 миллиону болсо Өнүктүрүү фондунун эсебинде турат. Анткени быйыл бир нече ири долбоорлорду каржылоо боюнча пландар бар"-деп жооп бериптир. Калган 14 миллион доллардын кайда кеткенин айтпаганы менен, экс-премьер айткан суммаларды эсептеп көрсөк, кашайып 288 миллион доллар болуп чыгып калып жатат. Мунусун кандай түшүнсөк болот? Орду-түбү жок 14 миллиондун 2 миллионун табыштыбы, же эсептен жаңылып калыштыбы? Айтор, экс-премьердин эсебине таң калып жатабыз.

Аксакал ачыгын, Акылбек ашыгын айтты
Белгилүү мударис Кусейин Исаев аксакалыбыз март ыңкылабынын 5 жылдыгына арналган жыйында сөз сүйлөп, ага катышкан илимпоздор менен өкмөт өкүлдөрүнүн башын жер каратты. Аксакалдын айтымында, элдик ыңкылаптын эң негизги 9 маселеси аткарылганда, азыркы акыбалыбыз башкача болмок экен. Элдик ыңкылап азыркы эл башчыбыз жана аны колдогон элдик кыймылдын мүчөлөрүнүн бийлик орундарына жетиши менен гана чектелиптир. "Бакиев бийлик башына барганда эле биринчи кезекте Жогорку Кеңешти таркатып, экинчи кезекте Баш мыйзамдын иштешин убактылуу токтотушу керек болчу" дейт, калыстыктан кайра тартпаган Кусейин аксакал. Ага болбой эле, жадыбалды жатка билген Жапаров Акылбек, ажобуздун ал ортодогу албан-албан ийгиликтерин айтып, укпагандардын күлкүсүн, уктагандардын уйкусун качырды.







кыргыз тилиндеги гезит "Форум"
email • архив • редакция 
19-март, 2010-ж.:
1-бет
Роза Отунбаева:
- Мына бүгүн эле бир топ эле жогорку эшелондогу чиновниктер биз менен мамиле түзгөнгө аракеттенүүдө...

2-бет
Бастырганды билбеген жолду бузат,
башкарганды билбеген элди бузат

3-бет
Казактар Камбар-атага каршы чыкты
4-бет
САЯСИЙ "СОЙКУЛУКПУ" ЖЕ САЯСИЙ БЕЧЕЛДИКПИ?
5-бет
Асмандаган өрдөктөрдү учуруп…
6-бет
БИЙЛИК ЖОМОКТОРУ
ЖАНА АЧУУ ЧЫНДЫК

7-бет
XI Элдик Курултайдын талаптары
8-бет
"Эне катары бул күрөшкө чыгууга мажбур болуп турамын"
9-бет
2005-жылдын 24-мартындагы революция
өз максатына жеттиби?

10-бет
Кылымдын кылмышы, же криминал "жүгөндөгөн" өлкө
11-бет
Кара дуба
12-бет
"Кырчаңгы" болгон мыйзамды, билген адам тыңдайбы?..
13-бет
Курултай Бакиева отдельно,
а народ отдельно?

14-бет
Сандан - санга
15-бет
Тагдыр эй, сыздаткан
16-бет
Мен өзүмдү таш күзгүдөн карасам





Яндекс.Метрика