Бетке айткан сөздүн заары жок
Эгерде Роза Исаковна чын эле кыргыздын кызы болсо, мага таарынбайт деп ойлойм. Анткени, тектүү кыргыздын үй-бүлөсүндө атасы уулун, апасы кызын эч качан бөтөн адамдын көзүнчө шагын сындырып, кетирген күнөөсү үчүн ур-токмокко алып, же жемелеп, кемсинтпейт.
Себеби, Улуу кыргыз элинин илгертен келе жаткан каада-салты, табигый жашоо-турмуш тарбиясы, этикасы мындай жат көрүнүштөргө жол берген эмес.
Ал эми кыргыз элинин 20 жылдык эгемендүүлүк турмушунда, балким биринчи жолу, "кыргыз жеринде кыргызча сүйлөп, жерибиздин атын кыргызча атап, башка элдердей эле урмат-сыйга татыктуу бололу" деген кыргыздын бир уулу Азимжан Ибраимовдун оюн кайдагы бир оозуна алы жетпеген ультра-шовинистка, өтү башына чыгып кеткен "одиозная особа БП" - Авдееванын акыркы ашынган пасквилине курмандыкка чалып, наадан аялдын астында намыскөй жигиттин шагын сындырган эл башчысынын чечими таптакыр түшүнүксүз болуп калды.
Бул эмне, кыргызча айтканда: "Атаңды өлтүргөнгө энеңди алып бер" дегениби, же орусча айтканда: "Бей своих, чтобы чужие боялись" деген жосунсуз жорукпу?
Деги биз эгемендүү элбизби же орустардын автономиялык округдарынын бирибизби?
Менин билишимче Россиянын Пермь крайында жайгашкан Коми-Пермяцкий национальный округда деле жер-суунун, айыл-кыштактардын аттары коми-пермяк тилинде аталат. Мисалы: Кудымкар - борбор шаары, Юсьва, Юрла - кичи шаарлары, айылдары: Егва, Куса, Иньва, Серва ж.б.
Менин түшүнүгүм боюнча мындай талылуу, бир кишинин эмес, 3,5 млн. кыргыз элинин тагдырын чече турган, ар-намысын коргой турган адам - бул эл башында турган жетекчинин түздөн-түз милдети болушу керек деп ойлойм.
Мисалы, 1990- жылы, Советтер Союзу урап, союздук республикалар өз алдынча эгемендүүлүк жарыялап жаткан убакта, орус элинин белгилүү жазуучусу Александр Солженицын "Как нам обустроить Россию" деген ой бөлүшүүсүн жарыялап, казактар жөнүндө: "Их сплотка, их устойчивая отечественная часть - это большая южная дуга областей, охватывающая с крайнего востока на запад почти до Каспия, действительно населенная преимущественно казахами. И коли в этом охвате они захотят отделиться - то и с Богом" деген сөзүнө казактардын ошол убактагы жетекчиси, Казакстан Республикасынын 1- катчысы Нурсултан Назарбаев: "Казахстан никогда не был и не будет подбрюшиной России!" деп орустарды бетке чаап туруп, ачык эле айтып салган.
Орустардын ошол убактагы жетекчиси Борис Ельцин Назарбаевге бирдеме дедиби? Жок.
Кийин, 2000- жылдары казак тили мамлекеттик тил болуп кабыл алынып жатканда орустар баягы адатынча: "Силер (казактар) азсыңар, а биз болсо көппүз, ошондуктан орус тили дагы мамлекеттик тил болушу керек" деп чыгышканда Назарбаев Казакстан калкына кайрылып ачык эле айткан: "Если кому не нравится казахский язык, то пусть он покинет пределы Казахстана" деп. Казактын тили жакпайт деп Казакстандан чыгып кеткендерди кимиңер көрдүңөр? Ооба, эч ким.
Демек, элдин жетекчиси болгондон кийин эч кимден коркпой-үркпөй эле, ачык айтып, түз сүйлөп, элинин кадыр-баркын, ар-намысын сактап калса болот бекен?
Албетте, болот.
Андай болсо эмне үчүн биздин жетекчилер 1961- жылдан бери кыргыз тилин жерип - маңкурт болуп, элин алдап, талап-тоноп - каракчы болуп, жерин сатып - байлыгын топтоп, кайраттуу жигиттерин камап, атанын намыстуу балдарын аттырып - канкор болуп, жолбун иттей жортуп жүрүшөт чет мамлекеттерде?
Эгерде биздин жетекчилер биздин улуттук ар-намысыбызды коргой албаса, анда биз өзүбүз аракет кылышыбыз керек. Кантип?
Моминтип эле. Мисалы: Эл аралык карым-катнашта расмий дипломатиянын күчү жетпей калса же бир башка себептердин негизинде мүмкүнчүлүк болбой калса, эки өлкөнүн ортосундагы зарыл ишти чечиш үчүн Элдик Дипломатияны колдонсо болот.
Анын негизги максаты: эки элдин ортосундагы карым-катнашты жана мамилени сактап калыш үчүн эки өлкөнүн элдеринин өкүлдөрү чогулушуп, пикир алмашып, биргелешип, ортодогу маселени эки элдин пайдасына чечишет. Бул жерде эч ким уттурбайт - эки тарап тең утушта болот.
Ошондуктан биз - кыргыз тилин сүйгөн, күйгөн Кыргызстандын инсандары, жарандары биригип "Кыргыз Тилин Коргоо Коомун" (КТКК) түзүп, кыргыз тилин өстүрүү, өркүндөтүү иштерин алып кетишибиз керек.
Биринчи демилге, биринчи кадам катары жаңы түзүлө турган КТКК атынан өлкө жетекчисинин Кыргыз Республикасынын Президентинин алдындагы Мамлекеттик тил комиссиясы тууралуу акыркы чечимин туура чечип алыш үчүн Кыргызстандагы Орусиянын элчилигине расмий кайрылуу жолдоп, жолубузду расмий түрдө ачып алалы.





Кайрылуунун тексти төмөндө келтирилет:
Чрезвычайному и Полномочному Послу
Российской Федерации в Кыргызстане
господину Власову В. С.

Уважаемый Валентин Степанович!
Поводом для обращения к Вам послужил тот факт, что Указом президента республики снят с должности руководитель Комиссии по госязыку при Президенте КР Азимжан Ибраимов, якобы из-за того, что тот поднимал вопрос о возврате кыргызских названий ряду населенных пунктов, ранее переименованных на русские названия. И это, как стало известно, с подачи ультимативных замечаний со стороны Вашего ведомства на основании, якобы жалоб, поступающих со стороны русскоязычного населения республики.
Не вмешиваясь в дипломатические отношения двух независимых государств и помня о необходимости бережного отношения к национальным реликвиям, хотелось бы напомнить Вам о том, что простой русский народ в таких житейских ситуациях, как правило, показывает свое великодушие и говорит: "Назовите хоть горшком, только в печку не ставьте".
Действительно, кому какое дело до названий наших сел, деревень и аилов, лишь бы люди жили в мире, согласии и дружбе между собой без давления и подсказки со стороны…
Все таки во дворе 2011 год, 20-й год независимости и суверенитета Кыргызской Республики и не пристало бы великой стране россиян оказывать давление и без того униженной стране кыргызов в такой мелочи, как название каких-то аилов.
Как сказано в открытом письме к г-же Ничипоровой ("Айкын саясат" от 11.02.2011 г.), бездарные и продажные сверхинтернационалисты республики в порыве выслужиться перед Москвой сами добровольно отказались от своего родного языка и превратились в послушных манкуртов, которыми сегодня повелевает каждый, кто имеет в кармане лишний миллион долларов.
Это не вина русского народа или русского языка, эта вина бездарных и продажных правителей Кыргызстана и беда кыргызского народа.
Примером тому может служить предложение правительства республики о присвоении какой-то вершине горы в Чуйской долине имени В.В. Путина.
Мы не думаем, что эта лицемерная идея наших правителей понравится Владимир Владимировичу, ибо как он говорил еще в бытность офицером СБ России: "Честь офицера не позволит мне…"
Мы надеемся, уважаемый Валентин Степанович, что Вы не позволите нашим деловым и партнерским отношениям двух дружественных народов в рамках договоренностей стран СНГ, ОДКБ, ЕврАЗЭС и других организаций превратиться в предмет торговли чести и достоинства, национальной самобытности и духовных ценностей кыргызского и русского народов, которые имеют глубокие корни взаимного уважения и взаимного обогащения.
С уважением,
от имени и по поручению Общественной организации по защите кыргызского языка (ООЗКЯ)
Карыбай ТУРУСБЕКОВ
Эскертүү:
1. Расмий кайрылууну туура тапкан жана анын тексти менен макул болгон Кыргызстандын инсандары жана жарандары редакцияга кайрылып өзүнүн оюн билдирсе болот.
2. "Вечерний Бишкек" гезитинин башкы редакторунун орун басары Н. Ничипоровага жазылган ачык кат "Айкын саясат" гезитинин № 10 санында(11.02.11) жарыяланган.