п»ї

 Жомоктор

 Аяндуу түштөр

  окумал

Аздек Намазбекова

К
ө
з
мончок
Аялдар чатагы
©Ыргып туруп карасам отрядда жан киши калбаптыр. Жүрөгүм оозума кептелип, мени ойготкон аялдын аркасынан жүгүрдүм. Зонанын ичиндеги тегиз "плацта" ар бир отряд өз-өзүнчө болуп, аялдар беш-бештен катарга тизилип туруп калышкан экен. Күйүгүп чуркап келип эң арткы катарга кошулуп калдым.
- Намазбекова, биринчи жана акыркы кечигүү болсун! Сен үчүн бүт отряд азап тартып, сөзгө калгысы келбейт. Дагы кайталанса үч күн пол жууйсуң! - деди "председатель". Күнөөлүү болуп, башымды ийкедим.
- Дагы жакшы, тигилер экинчи отрядды эми санап бүтүштү. Катуу уктап калгансың го? Болбосо, "дневалка" "проверкалап" эле кыйкырып жатпайт беле? Мен дагы жаңы келгенде кычыраган кыш болчу. Болгондо да таңкы "проверкада" уктап калып, мен үчүн он мүнөт эшикте ашыкча туруп калгандары үчүн аялдар жеп коё жаздашкан. Сага дагы жакшы, "проходумда" жаңы келген жаш кыз бар болчу" деп Зейне эстей коюп, тигил "дневалка" сени ойготкону чуркап кетпедиби. Эми сак жат, бара-бара көнүп кетесиң. Баары эле сени кеп кылып жатышат, чын элеби?..Эме...
- Такирова, беш мүнөткө жаагыңды жаба турчу, бизге жетип калышты,-деп тыйып калышты жанымдагы аялды. Ал ошо менен үнүн басты.
Мен болсо алдыбыздагы аялдарды карадым. Көздөрү ойноктоп, өздөрү да бир орунда тура алышпай ойдолоктоп, ооздорунан сөздөрү, күлкүлөрү тыйылбаган жап-жаш "малолеткалардан" тартып, бутун араң эле сүйрөп басып, өзү менен өзү болуп сүйлөнүп, сүлдөрү эле калган карыган кемпирге чейин каз-катар тизилишип, качан санап кетишээр экен дешип күтүп турушат. "Сүйлөшпөгүлө, түз тургула, тамеки тартпагыла!" деп тыйып турушкандарына карабай, аялдар ага болмокпу, шыбырашып, жашырынып көк түтүнүн көккө үйлөшөт...Формачандар менен "нарядчица" санап кетишкенден кийин тургандар дуу жарыла тарай башташты. Жумушка кеткени алдыга шашылышып, кылынбай калган бир нерсеси калгансып отрядга чуркашып, төрт-бештен болуп топтошуп сүйлөшүп туруп калгандар да болду. Жаңы келген неме дештиби, баары эле мени карап жаткандай сезилип, тез-тез кадам шилтеп, "проходума" жеткиче шаштым. Коридордон кире бергенде эле ашканадан ("жарилка" деп коюшат экен) сонун тамактын жыты мурдума "бур" этип ашказаным курулдап, аябай эле ачка болуп турганымдан шилекейимди "кылк" жутуп өтүп кеттим. Отряд ичинде болсо кээ бирлери "проходдорунда" кичинекей үстөлгө дасторкон жайып алышып чай ичкенге камынып калышыптыр. Кээси түз эле телевизор турган бөлмөгө кирип кетишти. Баарын электен өткөрө карап өтүп, ордума келип жатып калдым. Мен зонада жүргөнүмө ишене албай, көкүрөгүм толуп ташып, буулугуп-буркурап ыйлай албай турдум. Кечинде Бегимжан келиптир. Апамды көргөндөй сүйүндүм.
- Ачка болсоң керек ээ? Жүрү биздикине, тамак даяр болду,-деди. Анын отряды экинчи кабатта экен. Көбүнчөсү жаштар экенин байкадым. Беш-алты жерде беш башка музыка жаңырып, күжүлдөгөн аялдардын үнү угулат. Көрсө "ужин" маалы болуптур. Эки кабат керебеттердин ортосундагы кууш "проход" Бегим менен дагы бир жаш кыздыкы экен. Бегимдин үстүнө Дарыяны жаткызышыптыр. Көздөрү кызарып, жашылданып турганынан анын ыйлаганын байкадым, бирок сыр берген жокмун. Чакан үстөл үстүндө кара көмөч казанга кызарта куурулган майлуу картошка, аз-маз конфет-печенье, май жана зонанын кара нанын туурап коюшуптур.
- Мага сүйлөбөгүлө, эч нерсе деп суроо да бербегиле. Мен өзөрүп эмне болсо да жегим келип араң эле турам, - десем күлүп калышты.
- Атайын силерди коноктоюн деп катып жүргөм, сары майды болсо сатып алдым, айылдыкы, - деп Бегим жетине албай эле кудуңдап олтурду.
Бир сааттай сүйлөшүп, шашпай тамактандык. Сөз арасында Дарыя мага:
- Менин "срогум" чоң, бекер олтурбай Бегим менен "швеяда" иштей берейин деп жатам. Биртке болсо да "отоваркама" чай-чамек алам дегендей. Сен эмне кыласың? - деди.
- Билбейм, мен токуганга кызыгып жүрөм. Ошол жакка кирсе болобу? - Бегимге карадым.
- "Вязальныйга" кирип иштесең болот. Мен бригадирине айтып коёюн, өзү чакырып алат болуш керек. Иштей бер, алаксыйсың. Кийин өзүңө эле жакшы, пайдасы тиет. Чыкканда биздин балдарга байпак токуп берсең жаманбы? - деп күлдү.
- Эки күн өзүбүзгө келип, кир-когубузду жууп алалы, анан кирели ээ? - деди Дарыя. Мен да кошулдум.
Аз болсо да көңүлүм көтөрүлүп, жакшы маанай менен тарадык. Экөө мени отрядыма чейин узатып келишип, Бегим мага:
- Бул жерде жалгыз маселе кара курсактын камы болгондон кийин, ашкананын болбогон боткосун жегенден көрө, өз колубуз менен жасап ичкен тамак өйдө. Кезектешип кечкисин тамак жасап алып, ашканага барбай биздикинде эле тамактанып жүрөлү. Бул жерде колунда барлар, жакшы иштегендер ошентишет. Ашканадан нан эле албасак. Аздек, эми үчөөбүз "хлебкабыз" чакыртпай эле отрядга келип жүр, - деп айтты.
***
Балекеттин баары эртеси башталды. Дарыя экөөбүз чогулуп калган кирлерибизди көтөрүп алып атайын кир жуучу жайга барып, жууп чайкадык. "Вешала" деп аталчу жерине кирлерибизди жайып жатканда менин калың тор жемпирим кермеге батпай калды. Жаныбыздагы кир жайылып турган жиптин бош жерин көрүп, жая калсам, жип үзүлүп кетип, чоочун кирлер эзилген баткакка аралашып жатып калды.
- А-ай! - деген ачуу айкырыкты угуп, коркуп кеттим да өзүмдү жоготуп койгонсудум. Шашкалактап жердеги кирлерди чогултуп баштаганда, жаныма кечээки мени кеп кылган аял чуркап келип, жер-жебээриме жетип, кыйкырып, ай-буйга келбей күч менен түртүп ийди. Күтүүсүз болгондуктан, мен күп эте куладым.
- Эже, мен азыр чайкап-жууп, жайып берем. Атайлаган жок. Кечирип кою... - деп келаткан Дарыя жерге көмкөрөмөн түшкөн мени көрүп, саамга тилден калгандай карап калды да, анан эсине келгенсип тигил аялдын башындагы жоолугун апчый ыргытып, көкүрөктөн ары бир түртсө, ал кир жайылган кермеге такалып, дагы бир жип үзүлдү... Аял "сойду-у!" деп ачуу айкырык салды. Ары жактан эки-үчөө чуркап келишип Дарыяны басып жыгылышты. Бири чачын жулуп, башы-көзүнө карабай баткак болгон оор ботинкалары менен тээп жаткандарын көрүп, жалдырап ыйлап:
- Тийбегиле, жууп беребиз? - деп ортого түшө калган мага да эки-үчөөнүн оор муштуму тийип жерге жыгылдым. Башыма, далыма тепкилеп калышты. Мага алаксып калышканда Дарыя тура калып күрсүйгөн чоң эткээл аялды чачтан алып кармашып "жаш кызга тийбегиле!" деп мага жан тартып кыйкырып жүрөт.
- Карасаң келе албай жатып картаң аялга кол көтөргөнүн!
- Колун сындырып салыш керек! - деп ызырынган топ аялдын заар чачыраган көздөрүн карап болбойт. Ошол маалда отряд тараптан беш-алтоо чуркап келип калышты. Арасында Зейне да бар экен.
- Акылыңарга келгиле! Ай, ай! Азыр ДПНКга жетсе, баарыңар ШИЗОго жабыласыңар! - деп тигилерди араң тыйып калышты. Зейне колун берип, мени ордуман тургузуп, түрүлүп кеткен көйнөгүмдү оңдоп-түзөп, "оозуңду аарчычы" деп бет аарчы сунду. Оозума ысык кан толуп калганын ошондо сездим.
- Деги эмне болуп кетти? Түшүнбөй да калдым. Аккыз апа эмне ыйлап алган? - деп жатты Зейне.
- Шерменде-е! Күн көрбөй калгыр! Мен сенин үстүңөн "срок" коштурам. Ай, Зейне, ага бооруң ачыбай эле койсун! Кечээ келгенде мен аны жаман көрүп, оюмду айтып койгом. Эмне дегенимди катындар деле уккан. Жаман айткан жокмун, болгонун болгондой эле айткам. Бул болсо өчөшүп, бүгүн минтип каратып туруп, кермемди үзүп салды. Мен байкуш ысык суу түгөнө электе жууп калайын деп таң заардан туруп, акыркы самыныма жууган болчумун, - деп жатты тигил аял дагы деле тыйылбай. Колуна кирлерин чогултуп, көтөрүп алыптыр.
Саксайган чачтарын салаалай тарап, айрылган бетиндеги канын сүрткүлөгөн Дарыя жаалданып:
- Ооба, ким кимге "срок" кошот экен көрө жатабыз! Ой, жууп берели дегиче болбой эле жаш немени ыргыта түрттү, ушунусу туурабы?! - деп жатты актангансып.
Аялдар эки жак болушуп, эми сөз менен талашып-тартышып калышты. Көбүнчөсү бизди күнөөлөгөндөй.
- Кой, ДПНК келип калбасын - деп четинен кетип жатышты. Берки үзүлгөн кермедеги кирлердин ээси жаш келин экен. Ал болсо Дарыянын "жууп берели" дегенине көнбөй:
- Эч нерсе болбойт, өзүм эле жууп алам. Кыжаалат болбоңуз, - деп койду. Тигил аял болсо Дарыяга алкынып:
- Кийимдеримди сенин кир колуңа карматпайм! - деп кетип калды. Зейне:
- Самыным жок деп жатпады беле, болсо берип койгула. Жок болсо мен берейин. Көңүлүңөргө албагыла, ушундай аял... бул жерде олтурганда сыртта күйөөсү, баласы каза болуп калган экен. Күйүт да... - деп мени колтуктай отрядга алып кетти. Дарыя өзүнүкүнө жөнөдү. Жуунуп жатсам ызаланып калганга суу менен кошо көз жашым токтобой шорголойт. Оң жак колум көтөрүлбөй калыптыр. Бирөөсү далымдын тушуна катуу тепкендей болгон. Эптеп ордума жеттим. Ошол маалда:








кыргыз тилиндеги гезит "Обон"
email • архив • редакция 
24-ноябрь, 2009-ж.:
1-бет
"САНЖАР КАДЫРАЛИЕВ ЭКӨӨБҮЗ 20-СЕНТЯБРДА ҮЙЛӨНМӨКПҮЗ"
2-бет
Күмөндөр Абылов:
"Куудул эмес балекет болсоң да капаланасың"

3-бет
Назгүл КЕМЕЛОВА:
"Мени Юрий менен чыгармачылык, Акматбаевдер менен биртуугандык, Санжар менен сүйүү байланыштырат"

4-бет
Группалашым мени "жинди" кайнисине ала качып берип…
5-бет
Сарайдын үстүндө заңкылдап ырдаган Самара Токтакунова
6-бет
улуулар унутулбайт
7-бет
Макал менен "маяк" таштаганда...
8-бет
"Обон" шоу-таймс
9-бет
Жылдыздар турмушунан
10-бет
Баатырбек ИСМАИЛОВ:
"Актыкты" чыгарууда 1300 дөн ашык эксперимент жасагам"

11-бет
Сергей Бодров тирүү дейби?
12-бет
окумал
13-бет
Тарыхта калган сегиз "Секс-символ"
14-15-бет
Обон почта










??.??