 |
|
|
|
|
|
Кайрылуу каттары жана келген каттар:
 Айгерим Расул кызы:"Жигит үчүн өкүнбөйм" Бул жолку "Кумир менен баарлашуу" рубрикабыз башка баарлашуу-ларыбыздан өзгөчөлөнүп, Тарых музейинин астында өттү. Ал жакка суйкайган сулуу, боорукер, таланттуу ырчы, бийчи, актриса Айгерим бардык күйөрмандарын чакырып, өзүнүн жакында эле чыккан "Мен сага ишенем"аттуу тасмасына киргизди. Кинону көрүп чыккандан кийин күйөрмандары менен баарлашып, жылмаюу менен коштошту. Анда эмесе, баарыңыздар Айгерим менен окурмандарыбыздын баарлашуусуна күбө болуңуздар. Жибек: - Азыр эле сиз тартылган кинону көрүп чыктым. Талантыңызга таазим. Аябай жакшы аткарыптырсыз. Алдыда дагы кандай пландарыңыз бар? - Рахмат. Азыркы учурда жаңы кино тартайын деп, ошого даярданып жатабыз. Ал кино кыргыз киносуна жана шоу-бизнеске абдан чоң жаңылык киргизет деп ойлойм. Анда мен образыма карама-каршы ролду аткарам. Жылдыз: - Каныкейдей кайраттуу, Курманжан даткадай айбаттуу. Болгум келет мен дагы, Айгеримдей ардактуу- демекчи, мен дагы сиздей татынакай, мээримдүү, назик болгум келет. Сулуулугуңузга кантип кам көрөсүз? - Аябай жакшы ыр саптары экен. Мага аябай жакты, азаматсыз. Мен кадимкидей эле кыздардай болуп боёнуп, жасанып жүрөм. Эң башкысы айтат го, жан дүйнөңдө бактылуу болсоң, ошондо сулуу көрүнөсүң деп. Ошого ишенем. Ар бир аялзаты бактылуу болсо сулуу көрүнөт. - Кечээги, эртеңки жана бүгүнкү күндүн айырмасы эмнеде деп ойлойсуз? - Мен үчүн кечээги күндөн бүгүнкү күн жакшы. Бүгүнкү күндөн эртеңки күн жакшы. Жылдыз: Мен дагы кичине кошумчалап коёюн. Мен ойлойм, кечээ сиз адам болчусуз. Бүгүн сиз-жылдызсыз. Эртең сиз тарыхка кыргызымдын белгилүү инсаны катары каласыз. Гүлжамал: - Чачыңыздын узундугу канча сантиметр? - Аны атайын ченеп көргөн эмесмин. Жамбашымдан ылдый. Чачымды кичинемден бери өстүрүп жатам. Бирок учтарын бат-баттан кыркып турам. Айкөкүл: - Сиздин чыгармачылыкка келүүңүзгө атаңыздын ролу чоңбу, же өзүңүздүн талантыңызбы? - Өзүмдүн ролум чоң деп ойлойм. Анткени, мен ырчылык кесипти каалабасам, атам мени ырда деп кыйнабайт болчу. Өзүмдүн каалоом менен, анан албетте, атамдын жардамы менен ырчы болуп чыктым. Үмүтай: - Өзүңүздү бактылуу адаммын деп эсептейсизби жана азыркы убакта сиз сүйгөн, сизди сүйгөн адам барбы? - Өзүмдү бактылуумун деп эсептеймин. Анткени, сиздердей болгон татынакай айымдар, алтындай болгон убакыттарын бөлүп, мени сыйлап келди. Мен ошол үчүн бактылуумун. Андан тышкары, жакшы көргөн ата-энем, мени колдоп турган кыргыз элим бар. Ал эми учурда сүйгөн жигитим жок. - Сиз кинодо абдан боорукер жана жагымдуу кыз болуп катышкансыз. Жеке жашооңузда дагы ушундай адамсызбы? - Чынын айтсам, жашоодо кандай болсом, бул кинодо дагы ушундай адаммын. Бирок жашоодо көбүрөөк чечкиндүүмүн. Кинодо болсо чечим чыгара албай эле кыйнала бергем. Жылдызай: - Кинонун аягында жигитиңизге эмне үчүн жетпей калдыңыз? - Эми жеке, чыныгы жашоомдо деле жигитим жок жүрбөйүнбү. Кинодо деле акыры жигитим жок болуп бүтүп калат. Аягында менин жашоом менен бүтөт деп айтсам болот. Чыныгы жашоодо жигит үчүн өкүнбөймүн. Андай адам эмесмин. Гүлжамал: - Бул кино болгон окуябы жана идеясы кимге таандык? - Чынын айтсам, тасмадагы окуялар менин башымдан өткөн. Мен жөнүндө кандай гана ушактар чыкпады. Ошол эле убакта Жаныш Кулманбетов кинонун режиссёру, автору. "Жараланган турналар" деген тасманы Жаныш Кулманбетов бир ай тартты. Ошол бир айдын ичинде менин жүргөн-турганымды байкап, изилдеп, анан менин бала кыял экениме таң калган экен. Мурда мен жөнүндө айтылган ушактарга такыр дал келбеген мүнөзүмө таң калып, апама: "Бул ушактар кайдан чыккан? Ким таркатып жүрөт?"-деп сураган экен. Ошол тасма тартылып бүткөндөн кийин, мени тааныгандардан сураштырып, кыялымды, жүрүм-турумумду билип, анан ушул кинонун идеясы пайда болгон экен.. Анан апама чалып: "Окуп көрбөйсүңөрбү, менде Айгерим тууралуу ушундай бир идея бар. Жакса тарталы",- деп сунуш киргизиптир. Анан атам менен апам окуп чыгып макул болушкан. - Сиздин атаңызды ырчы катары тааныйбыз. Апаңыз жана бир туугандарыңыз жөнүндө айтып кетпейсизби? - Апам-менин менеджерим. Апам бизди кармаган кайраттуу, күчтүү аял. Апамды Курманжан даткадан кем калышпаган эрктүү, акылдуу аял деп эсептейм. Кичинемден бери апамдай болсом деп кыялданам. Буйруса, жаңы тартылайын деп жаткан киномдо дагы апамдын образын жаратам. Ал эми бир туугандарыма кайрылсам, эжем Жанна турмушка чыккан. Анан мен. Менден кийин Руслан деген иним бар. Анан кичинекей 5 жаштагы сиңдим Аяна. Аяна менен Руслан жакында ырдап чыгышат. Бирок иним көбүрөөк кино жаатына кызыгат. Учурда актёрдук чеберчиликтен билим алып жатат. Жылдыз: - Сиздин сулуулугуңузга суктанган кыргызымдын балбан билек жигиттери аттиң ай деп оор үшкүрүп, сизге жетпей келишет. Сиздин мээримге балкыган жүрөгүңүздү кыргыздын кандай жигити багынта алат? - Биринчиден, энесин барктаган балдарды сыйлайм. Ушунчалык аялзатына аяр мамилени жасап, алар үчүн баарына даяр болгон мырзаларды баалайм. Бирок кандай бала жагарын так айта албайм. Гүлжамал: - Чет өлкөлөргө көп барасыз? Кайсыл өлкөдө жүргөнүңүз көбүрөөк эсиңизде калды? - Иранга барганым аябай эсимде калды. Ал жакта күнүгө бетибиздин баарын жаап, жоолук салынып жүрдүк. Анан кетерге жакын текшерүүдөн өткөндөн кийин, жоолуктарыбызды чечип, ыргытып кыйкырдык. Кыйкырсак тигилер бизди карап таң калышты. Ошол жери аябай эсте калды. Аны видеого дагы тартып алышыптыр. Клара: - "Мен сага ишенемде" атаңыз менен чогуу ойноптурсуз. Ыйлап аткарып жатканда атаңыздан тартынып уялдыңызбы? - Жок, мен тартынган жокмун. Атам менден тартынды.(Күлдү) Анткени, тартылып жатканда:"Ата, мындай ойносоңуз",- деп айтып жаттым. Негизи, мен такыр тартынбайм. Кичинемден баштап улуу муундагы ырчылар менен чогуу ырдап жүрүп көнүп калгам. Ошол үчүн менде тартынуу жок. Камила: - Кинодон кайсыл учурду аткарыш кыйын болду. Мисалы, ыйлай албай кыйналдыңызбы? - Ыйлагандан мен такшалып калдым. Жакында эле менин эң кымбат көргөн чоң энем Ибадат каза болгон. Чоң энемдин элеси көз алдыма келгенде көзүмдөн аккан жашты өзүм дагы байкабай калам. Негизи эле кинодо көп ыйлагам. Бул дагы кыскартылып берилгендегиси. Кээде өзүмдү өзүм эстеп ыйлап жаттым. - Кайсыл учурларды көп дубль менен аткардыңыз? - Менин сүйгөнүм болуп тартылган Улан менен аткарган жерлер кыйын болду. Анткени, экөөбүз такыр эле карама-каршы экенбиз. Жөн эле бир жигитти сүйүп аткарган кыйын экен. Эгер менин сүйгөн жигитим болсо, анда башкача болмок беле. - Жатып алып асманды карап кыялданган учуруңузда, чындап эле кыялдандыңызбы? - Ар бир эле адам кыял менен жашайт. Бирок ар бир эле адам асманды карап кыялдана бербейт. Мен ошол учурда асмандын чексиздигине, ушунчалык тунуктугуна баа берип кыялдандым. Баарыңардын келгениңерге, киномду көрүп кеткениңерге абдан ыраазымын. "Обон" гезити аркылуу силер менен жолукканыма абдан кубанычтамын. Бул-менин эң сүйүктүү гезитим. Мен ойлойм, бул биздин акыркы жолугушуубуз эмес деп. Жаңы кино тартсам, дагы "Обон" аркылуу чакырам . Эң башкысы сиздерге аялдык бакытты каалайм . Жакшы мырзага турмушка чыгып, бактылуу болгула. Келсин Мурадил кызы
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||