п»ї

 Жомоктор

 Аяндуу түштөр

Гүлнур, Сайкал, тулпарыңар кут болсун!
Жаш, таланттуу кызыбыз Сайкал Садыбакасова азыр кубанычтын туу чокусунда отурган мезгили. 18 жашында чоң фестивалда өз күчүн сынап, Уркуянын 100 жылдыгына карата өткөн республикалык кароо-сынакка катышып, эстрада жанры боюнча гран-приге ээ болуп, Мерседес S класс үлгүсүндөгү темир тулпарды утуп алды. Ушул эле сынакта дагы бир таланттуу кызыбыз Гүлнур Асанова фольклор жанры боюнча өнөрүн көрсөтүп, гран принин ээси болду.


Айпери Кулбаева эмнеге нааразы?
"Уркуя Салиеванын 100 жылдык мааракесине" арналган сынакты ушунчалык чоң деңгээлде уюштурушту. Бирок акыйкатсыз болуп калды. Сынак болгондон кийин жаңы ырлар болуш керек эле, калыстар жаңы ырларды эске алса болмок. Андан кийин эфирден кетип жүргөн, бышып, жетилип калган эски ырларга эле приз берип коюшту жана өздөрү даярдап келген ырчыларга берди. Эч кандай тематикага карашкан жок. Тематика боюнча, мисалы, башында Уркуя жөнүндө же Ноокат жөнүндө деп кеткен. Бирок калыстар аларга карашкан жок. Бир адам уюштуруп, чыгармачыл адамдарды колдогону жакшы, бирок ошол нерсе жөн эле асманга сапырылып кеткендей болду. Эки-үч эле адамдын кызыкчылыгы үчүн болгондой болуп калды. Төрт адам аныктаган боюнча эле болуп калбайт. Эң негизгиси, талантыбызды эл бааласа болду", - деп Айпери Кулбаева нааразычылыгын билдирди.


Эркин менен Мистер Бахадан жаңы ыр
Эркин менен Мистер Баха жылдыздарыбызга тийишип ырдап чыгышты эле. Эми болсо анча-мынча бай-манаптарыбызга тийишип, тамашалуу "Эмне үчүн?" деген жаңы ыр жаздырышты.


Добр стилин өзгөрттүбү?
Көптөн бери көрүнбөй кеткен жаш, таланттуу жигитибиз Добр азыркы мезгилде жалаң чыгармачылыктын үстүндө иштеп жаткан учуру. Нукура кыргыз бала Добр ырдоо стилин кичине башкача нукка өзгөртүп, улуулар уга турган, тамашалуу "Алинка" деген жаңы ыр жаздырып бүттү.


Гүлжигит Сатыбеков түштүктө тойдун көркүн ачууда
Гүлжигит түштүктүн тойлорунун көркүн ачып жүргөн убагы. Мындан тышкары, бир эле тойлордун көркүн ачуу менен алектенбестен, Лейлекке барып "Лейлектик кыз" деген ыр жаздырса, Ошко барып "Ошко сапар" аттуу жаңы ырларды жаздырып жүрөт. Балким, жигитибиз Таласка же башка бир областка гастролго барса, ошол жактын сулуулары жөнүндө ыр жаздырып келеби, ким билет? Ошондой эле Гүлжигит тобуна Айжан аттуу мурунку "Делбирим" тобунун татынакай солисткасын кошот. Азырынча толук чечиле элек, балким, оң жагына чечилип калса, көрүп калабыз деген ойдобуз.


Алиса Сапарбекова




  Атактуунун адашы

Ар жемиштин данеги өз сөөгүндө сакталат
Кыргызда аты-жөнү окшош ысымдарды учуратып келебиз, баарынан да таң калыштуусу атактуу инсандардан аты-жөнү окшоштор. Кантсе да, ар биринин кесиби ар башка. Ушул эл үчүн кызмат кылып келген аттын кашкасындай таанымалдарыбызга токтоло кетүүнү эп көрдүк.


Иса Өмүркулов
Иштин көзүн билген
Бишкек шаарынын мэри Иса Өмүркулов иштин көзүн билген инсан экенин иши айгинелеп турат. Шаарды көркүнө чыгарып, жолдорду гүлгө ороп койду. Баарынан да Ош базарынын айлана-тегерегин быкы-чыкыдан бошотуп, көчөлөрүн кеңейтип элдин алкышына татып турат. "Жакшы адамга сөз жабышат, жаман адамга чөп жабышат" деген сөз чын бейм, шаар башчысы тууралуу кандай гана сөздөр айтылбасын, кулактын сыртынан кетирип койгону эрдик эмеспи.


Иса Өмүркулов
Жылдызы
жанып турат
Иса алгач сахнага талпынып чыккан балапан ооз кезинде эле "Ай, эжеке, гүл берүүнүн ордуна" деп ырдап чыкканы эсиңиздедир. Өтө тырышчаактыгынан жаш эстрада ырчыларынын арасында тең салмакты кармап келет. "Бешиктеги баланын бек болорун ким билди" дегендей, азыркы күндө эл оозуна алынып, жылдызы жанып турган чагы. "Гүлзар" деп секелек кымча бел кыздардын жүрөгүн туйлатат го, чиркин.


Алмаз Раимкулов
Аттын кулагы менен тең ойноп чоңойгон
Кыргызда "Ат адамдын канаты" деп бекеринен айтылбаган чыгар. Кыргыз баласы төрөлгөндөн баштап аттын кулагы менен тең ойнойт деп коюшат. Кыргызымдын жигиттери жаратылышынан атка аябай жакын келишет. Алмазбек мырза ат менен чогуу өскөнүн мындан билсек болот, циркте ат оюндарын көрсөтүп келүүдө. "Коёнду камыш өлтүрөт, эркекти намыс өлтүрөт" дегендей Кыргызстандын намысын коргогон Манет Эшимбеков жетектеген "Кыргызымдын жигиттери" тобу болду. Голливуд киносунда Оскар сыйлыгына татыктуулар кандай бааланса, ал эми Монте-Карло-цирктеги эң чоң мелдеш катары тастыкталат экен. Ошол цирк өнөрүнүн усталары Франциянын Монте-Карло шаарында өткөн 34-эл аралык фестивалда "Күмүш маскарапоз" сыйлыгын жеңип алышты. Бул сыйлык аларга ат үстүндө мыкты оюн-зоок көрсөткөндүгү үчүн ыйгарылган. "Жылдыздар манежде" долбоорунда Алмазбек Раимкулов келинчеги Светлана менен биргеликте эстрада ырчылары жана ар тармакта таанымалдарга машыктыруучу болушкан.


Алмазбек Раимкулов
Чоң муштум "Кид Даймонд"
Мухаммед Алинин техникасын жактырган, мушкер Алмаз мырзаны кимдер тааныбайт? Спорт тарыхыбызга көз чаптырсак, кыргыздардан чыккан мушкерлердин эң алдыңкыларынан экени талашсыз. Алмазбектин ийгилиги арбын, маселен, ал NABF - Түндүк Американын чемпиону болуп, бул чемпиондук титулду үч жолу коргогон. Таймаштарда каршылашын көбүнчө нокаут менен ордуна коёт экен. Көпчүлүгү Костья Цзюга окшоштурушат, ал эми Америкадагы белгилүү промоутер Боб Арум Алмаз Раимкуловго Кид Даймонд лакап атын ыйгарган экен. "Күч атасын тааныбайт" дешет го, профессионал спортто атаандаштын жашы анчейин роль ойнобойт деген ойдо. Жүрөгүнө чок салган жубайы Динара менен бакубат турмушта өмүр сүрүп келишет. Балдай таттуу кызы Малика-Алмаз мырзанын эркеси. Карманган урааны-"Кыргызстан, алга!


Айтол Кушпакова









кыргыз тилиндеги гезит "Обон"









??.??