Таанышуу жарыясы


Таластыктар Бабановдун отставкасын талап кылышууда


Талас облустук мамадминистрация имаратында 6-февралда чогулган митингчилер губернаторго акимдерди шайлоону кайрадан адилеттүү түрдө өткөзүү талабы менен келишкенин, бул талапты президент Атамбаевге жеткизүү керектигин белгилешти.
Болбосо, митингчилер нааразычылык акциясын уланта беришерин билдиришти. Чогулгандардын арасында Бабановдун кетишин талап кылып кыйкыргандар да бар экенин өз кабарчылар билдиришти.

Ж.Бакиевдин фондун секталар каржылаганбы?


Жаштар уюмдарынын өкүлү Мавлян Аскарбеков Жогорку Кеңештин Коргоо жана коопсуздук комитетинин 6-февралдагы жыйынында: "Республикада 2009-жылдан баштап Жусуп Бакиев атындагы фонд башка өлкөлөрдө тыюу салынган Мун сектасы аркылуу каржыланат", - деп билдирди.
Анын айтымында, бул Мун сектасы Ж.Бакиев атындагы фондду каржылап, мектептерди курууда. "Бул сектанын өкүлдөрү Ли Чен Хон жана Ли Чен Ли кыргыз тилинде да, орус тилинде да сүйлөшпөйт. Бирок аларда Кыргыз улуттук университетинин жана Кыргыз транспорт жана курулуш университетинин дипломдору бар. Ал дипломдор аркылуу курулуш уюмдарын ачып, Ата-Түрк паркынан жерлерди алып жатышат. Ошондуктан, бул сектага Кыргызстанда ишмердүүлүгүн жүргүзүүсүнө тыюу салыш керек", - деди ал.

Каза болгон курсанттын сүйлөшкөн кызы өз өмүрүн кыйды


Кыргызстандын Куралдуу күчтөрүнүн аскердик институтунун 30-январда асынып өлдү делген курсанты Таалай Болотбек уулунун сүйлөшкөн кызы Жамила ызасынан өз өмүрүн кыйды. Расмий маалымат боюнча, курсант асынып өлгөн. Соттук-медициналык экспертиза да ушундай бүтүмгө келген. Бирок жерге берээр алдында молдо жасатын сууга алганда анын денесинде көк ала, бутунда күйүк көргөнүн ата-энеси айтууда.
Коргоо министрлигинде бул окуя боюнча атайын комиссия иштеп жатат. Жыйынтыгын 8-февралда жарыяланаарын билдиришти.Бул маселе жөнүндө бугүн парламентте да сөз болуп, депутаттар иликтөө чала жүргүзүлүп жатканын, мындайга жол берген Коргоо министрлигинин жоопкерчилигин караш керектигин айтышты.

Болот Абдыкеев АКШда өткөн эрежесиз эр урушта жеңүүчү аталды


Акыркы жылдары биздин спортчулар дүйнөлүк деңгээлдеги мелдештерде жакшы ийгиликтерди жаратып келишет. Эрежесиз эр уруш, кармаш, самбо боюнча Кыргызстандын бир нече жолку чемпиону, эл аралык таймаштардын байгелүү катышуучусу Болот Абдыкеев АКШнын Филадельфия шаарында өткөн эрежесиз эр уруштун эки түрү боюнча жеңүүчү аталды.
Ал жиу-житсу боюнча дүйнөлүк биринчиликте эки версия боюнча жеңүүчү болуп, эки алтын кур тагынды. Таймаш 4-февралда өттү. Ага ар кайсы мамлекеттен келген 20 балбан катышты. 83-85 килограмм салмактык категориядагы балбан Болот Абдыкеев Ат-Башынын кулуну. Учурда убактылуу АКШда жашайт.

Саули Нийнисте Финляндиянын президенти болуп шайланды


Финляндиянын жаңы президенти болуп парламенттин мурдагы спикери Саули Нийнисте шайланды. Алдын ала санактарга ылайык, шайлоонун экинчи айлампасында ага шайлоочулардын 65 проценти добуш берген. Атаандашы, "жашылдар" партиясынын талапкери Пекка Хаависто 35 процент добуш алды.
Нийнисте 63 жашта, кесиби боюнча юрист. Саясатка 30 жылдан бери аралашып келатат. Спикерликтен тышкары финансы министрлигин жетектеген. 2006-жылы мамлекет башчылыкка аттанып, бирок 2-турда Тарье Халоненге уттуруп койгон. Финляндияда президенттин ыйгарымдары чектелгени менен коомдук пикирге чоң таасир этет.

Каныша Елизаветанын такка отурганына 60 жыл болду


Британияда 6-февралда каныша Елизавета Экинчинин тактыга отурганынын 60 жылдыгы белгиленди. Бирок бул күн анын атасы Георг Төртүнчүнүн өлгөн күнү болгондуктан, мааракелик салтанаттар өткөрүлгөн жок. Иш-чаралар июнга, канышанын туулган күнүнө пландалууда. Елизавета Европанын тарыхында тактыда эң узак отурган каныша. Анын эң биринчи премьер-министри Уинстон Черчилл болгон.

Келдибеков Вашингтонго кимдин камын ойлоп барды?


2-февралда Вашингтондо МВФ башкы офисинде Кыргыз Республикасынын депутаты, Жогорку Кеңештин бюджет жана каржы комитетинин төрагасы Келдибековдун МВФтин аткаруучу мүдүрү Рене Вебер (Rene Weber) жана Дүйнөлүк Банктын аткаруу мүдүрүнүн орун басары Виеславом Щука менен жолугушуусу болду. Жолугушуу убагында эки тарап мындан аркы иштерди өнүктүрүү жана Кыргызстанга жардамдарды көбөйтүү жагын суйлөшүштү.
Акматбек Келдибеков эл аралык уюумдун өкүлдөрүнө Кыргызстандагы саясий жана экономикалык ахыбалды түшүндүрүп, мындан ары Жогорку Кеңеш бул уюумдар менен тыгыз байланышта иштейли деген пикирин айтышты. Акматбек Келдибеков МВФ жана Дүйнөлүк банктан жогорку өткөргүчтөгү электролинияларды куруунун проектисин түзгөнгө жардам берүүсүн өтүнүүдө. Бул проект Кырызстан жана Тажикистан аркылуу Афганистан жана Пакистанга электр энергиясын сатуу боюнча CASA-1000 проектисинин иштөөсүнө шарт түзөт. Вебер 2011- жылы кеңейтилген кредиттик механизимдин 3 жылдык келишиминин биринчи фазасынын бүткөндүгүн кабарлады. Эки улуттар аралык уюмдар да CASA-1000 проектисинин өтө чоң мааниси бар экендигин билгизип, бул жалгыз гана Кыргызстан үчүн эмес, регион үчүн чоң мааниге ээ деген пикирлерин билгизди.

Маңзат колдонгон тергөөчү ишинен бошоду


Бишкектин Биринчи Май райондук милициясынын тергөөчүсү маңзат колдонгону аныкталып, ишинен бошоду. Бул тууралуу Ички иштер министрлиги кабарлайт. 1984-жылы туулган Тилек аттуу милиция кызматкери марихуана колдоноору медициналык кароо учурунда да, наркология диспансеринде да тастыкталганы айтылууда

P.S. Маалымат интернет булактарынан алынды



about | A Free CSS Template by RamblingSoul

7-февраль, 2012-жыл






??.??