Дата: Thu, 25 Jun 2009 17:28:41 +0300 [25.06.2009 20:28:41 KGT]
От кого: "____________" ___________gmail.com_
Кому: janyzak__mail.ru
Тема: Колжазма терем дегендерге жумуш бар
Саламатсызбы урматту Жанызак байке http://diesel.elcat.kg/index.php?showtopic=2115523&pid=9659032&st=100&#entry9659032
дизель баракчасынан сиздин жумуш жонундогу макаланызды корудм
Мен сурайын дедим эле
Жумуштун мооноту барбы(срок) же болбойбу?
кунундо бош 3 саатан убакытым болот ошол убакты пайдалуу колдонойун дедим эле анан сиздин бул жумушунуз мени кызыктырды.
Кандай дейсиз эгер мен терип корсом?
Жооп
Салам, ________.
Терип көрсөңүз болот. Мен сизге төмөнкү даректи берейин:
(даректер жумуш сурагандарга гана берилет - Ж.Ж.)
Бир даректе 10 бет бар.
Бир беттин мисалы мына бу даректе: http://www.presskg.com/job/1/01.htm
Кантип оңоюраак жазыш тууралуу нускама:
Жогоруда көрсөтүлгөн даректи төмөнкү программанын биринин жардамы менен ачасыз:
1. Internet Explorer
2. FireFox
Анан тергичтин (клавиатуранын) эң жогору жагындагы F11 деген топчуну басканда текст толук экранга чыгат.
Эми http://www.presskg.com/job/1/semple.gif
дарегинде көрсөтүлгөндөй кылып: Word барагын ачасыз да, аны кичирейтип алып, текстти тере бересиз.
Кокус тере турган барак жабылып калса, Word барагын өйдө_ылдый жылдырып алып, уланта бересиз. Текст жазылган баракты да каалагандай жылдыра берсе болот.
Терген текстиңизде Кыргыз тамгалары сөзсүз КЫРГЫЗЧА жазылууга тийиш!
дарегинде кыргыз тергичин кантип орнотуу нускамасы (инструкциясы) бар.
Ошол эле жерде кыргыз тамгасын кантип көчүрүп алса болоору да толук жазылган.
Териле турган текст тууралуу:
Бир файлда 10 бет камтылган.
Улам бир файлды бүткөнүңүздө даяр текстти мага емейл менен жибересиз.
Терүү боюнча соодалашуу
Эсептешүү колжазманын бети менен жүргүзүлөт.
Колжазманын бир бетине 10 сом төлөйм.
Берилчү иштин көлөмү демейде 80 бетти түзөт - демек, бир жумуш 800 сомго бааланат.
Жогоруда айтып кеткендей, бир даректеги файлда 10 бет камтылган.
Тергенде Word менен 10 өлчөмдө, кыргыздын ӨҢҮ_өңү тамгалары сөзсүз жазылышы керек.
Каталар тууралуу
Бир бетке ашып кетсе 5 катага уруксат.
Андан ашык ар бир кетирилген катага 1 сом кемитилет. "Ката" деп, терүүгө берилген колжазмадагы тексттен башкача, орфографиялык каталарды айтабыз жана колжазмадагыга туура келбеген ар бир белгибир ката деп саналат.
Кокус колжазмадагы бүтүндөй бир сапты таштап кетсеңиз, же бүтүндөй бир бет калып кетсе, ошол жазылбай калган саптагы же калтырылып кеткен беттеги ар бир белгибир ката делинет...
Кетирген каталар тууралуу баракчанын оңдолгон түрү сизге кайра жиберилет.
Салыштырып көрөсүз.
Терүү ишин аткаруу мөөнөтү жана төлөө шарттары
Эки күндө бир файл (10 бет) которулуп бүтүшү керек.
80 бет 16 күндө которулуп бүтүшү керек.
Биринчи файл которулуп бүтүп, текст мага жиберилип, мен аны карап көргөндөн кийин,
калган жети файлдын дареги сизге толугу менен жиберилет.
Сиз ошол емейлге "алдым" же "албадым" деп сөзсүз жооп жазышыңыз керек.
Жооп жазгандан кийин терүү мөөнөтү эсептеле баштайт.
Ар бир файл терилип бүткөндөн кийин сөзсүз менин дарегиме емейл аркылуу жиберилиши керек.
Эгер терүү иштери 20 күндүк мөөнөттө толугу менен жиберилбесе, анда келишим жараксыз деп табылат жана ушул мөөнөткө чейин мага жиберилбей калган иштер алынбайт, алардын акысы төлөнбөйт.
Толук бүткөрүлбөгөн иштин көрсөтүлгөн мөөнөткө чейинки мага жиберилген файлдарынын ар бир бетине болгону 5 сомдон төлөнөт.
Акчаңыз файлдар толук иштелип бүткөндөн кийин берилет.
Кааласаңыз, соткаңызга бирдик катары түшүрүлөт.
Же сиз көрсөткөн дарекке жиберилет.
Же Бишкекте болсоңуз, болжошкон жерден келип алып кетесиз.
Жиберүүгө кеткен чыгым сиздин эсебиңизден.
Эгер жогорудагы шарттарга макул болсоңуз, анда сиз менен биз соодалашып келишкен текстти терип баштай бересиз.
Жогорудагы шарттарга түшүндүрмө
Кайсы бир ишти аткарууда кыргызчылык жарабайт экен.
Себеби мындан бир айча мурун бир ургаачы "Мен иштейт элем" дегенинен, ал каерде жана кандай жумуш аткараарын сурасам, кайсы бир акчабай жагында өтө мартабалуу жумушта иштээрин айтты. Бираз шекшидим, бирок мейли деп ал ургаачыга материалдарды жиберсем, аябай создуктуруп, "ана-мына" деп, акырында мага күйөөсүн тукуруптур, капырай.
Анысы мени коркутат...
Эскертүү:
жогорудагы шарттар ошондой итчилик болбош үчүн атайын жазылды.
Жумушту интернеттен кантип көчүрүп алуу керек?
Мен жумуш сурагандарга жумушту интернет аркылуу берем.
Мисалы, сизге төмөнкү даректеги жумуш берилди дейли:
Сиз ошол даректи ачасыз.
Анан ошол даректи өзүңүздүн компьютериңизге төмөнкү сүрөттөгүдөй кылып жаттатып алышыңыз керек:
Алды менен компьютериңизден сиз азыр интернеттен көчүрүп ала турган файлды сактоочу баштыкчаны даярдашыңыз керек:
мисалы, сизге берилип жаткан колжазманын аты "Оомат" дейли.
Демек, сиз алды менен "Oomat" деген баштыкча (папка) ачыңыз. Папканын (баштыкчанын) аты латынча терилгени дурус.
Эми ушул биз интернеттен ачкан бетти компьютериңиздеги сиз даярдап койгон "Oomat" деген баштыкчага жаттатабыз.
Анүчүн алды менен интернеттеги бизге керектүү бетти ачып берген программанын жогорудагы "Файл" деген менюсун чыке менен бассаңыз, жогорудагы сүрөттөгүдөй бир нече буйруксап жазылган тактай түшөт.
Сиз алардын ичинен "Сохранить как..." деген буйруксапты басасыз.
Ошондо төмөнкү сүрөттөгүдөй жаңы терезе ачылат:
Биерден сиз сүрөттүн төмөн жагындагы "Имя файла" деген саптын тушундагы чарчыга файлдын атын жазыңыз (биерде биз файлдын атын 01.htm деп жаздык..).
Эми "Тип файла" деген саптын тушундагы чарчынын оң жагындагы төмөн караган кара урчукту кызыл жебе көрсөткөндөй бассаңыз, бир нече саптагы жазуу түшөт.
Сиз "Веб-страница, полностью (htm, html)" деген сапты тандаңыз.
Эми сактоочу терезенин көрүнүшү төмөнкү сүрөттөгүдөй болуп калат:
Эми сиз биерден кызыл жебе көрсөтүп турган "Сохранить" деген топчуну бассаңыз,
мен сизге жиберген 10 беттин сүрөтү тартылган файл сиздин компьютериңизге жазылып калат жана сиз ал файлды жанагы беттердин сүрөтү менен кошо каалаган учурда интернети жок эле ачып алып, иштей бересиз.
Емейлге кошумча файлды чиркеп жиберүү ыкмасы
Саламатсызбы, Уулкан.
Биз биерде кантип бир файлды башка бир емейл_дарекке жибериш керектигин
жазып көрөлү.
1. Биерде көрүнүп турган жогору оң жактагы "прикрепить файлы" деген топчуну
басабыз:
2. Ошондо төмөнкүдөй сүрөт чыгат:
Жогорудагы сүрөттөгү чарчыдан сиз берки кишиге жибере турган файлды тандайсыз -
биздин мисалда мен сизге жиберип жаткан "uulkanga.doc" деген Word_файлды тандадым.
Анан ошол файлдын аты "Имя файла" деген төмөнкү сапка келип түшөт.
Эми сиз кызыл жебе көрсөтүп тургандай, "Открыть" деген топчуну басасыз...
3. Ошондо сиз жибере турган файлдын аты жана анын салмагы ылдыйкы сүрөттө кызыл чарчынын ичинен көрүнүп тургандай болуп жазылып калат:
Mail.ru кызматы ушундай жол менен бир емейл_катка 20 файлды чиркеп жиберсе боло тургандай шарт берет.
Эми жогорудагы сүрөттө кызыл жебе көрсөтүп турган "Отправить" деген топчуну басканда сиз бир дарекке жиберген емейл чиркелген файлды "салып алып" кетет...
Сайт жөнүндө: ► Бул айылда негизинен кыргыз гезиттери электрондук тиркеме түрүндө жарыяланат. ►Архивге, емейлге жана редакцияга шилтемелер
ошол гезиттин башбарагында берилген. ► Жеке макала жарыялоого буйрутмалар кабыл алынат.
Сведения о сайте: ► На сайте публикуются в основном кыргызскоязычные газеты
в виде электронных подшивок данных газет. ► Ссылки на архивы, емейл и данные о редакции указаны на главной странице конкретной газеты. ►Принимаются заказы на публикацию частных статей.
