Поиск
| Керектүү материалды ушул жерден издегиле: |
|
Ашкере динчилден кат келиптир...Дата: Fri, 24 Apr 2009 18:51:05 +0400 [24.04.2009 20:51:05 KGT]
От кого: "Темир Оморбай уулу" _dr.temir__rambler.ru_ Russian Federation
Кому: janyzak__presskg.com
Тема: Саламатсызбы
Урматтуу Жанызак агай !!!
Менин атым Темир Нарбеков, академик, дарыгер Оморбай Нарбековдун кичүү баласы болом.
Өзүмдүн да кесибим дарыгер. Сизге агай бир сураныч менен кайрылып жатам. "Ачык саясат" гезитинин 21 апрельде чыккан № 30 (66) санында Анарбек Усупбаевдин "Куранды бурмалагандар кимдер ?" аттуу макаласы жарыяланган. Агай бул кишини мен жакшы билем, анткени биздин жердешибиз болот, атама инидей. Бирок бул киши көптөн бери эле ислам динибиздин анык душманы экен. Баскан-турган жеринде ыйык Кураныбызга өзүнүн оюунан чыккан жалган аргументтерин жабыштыра берет экен. Бул макаласында да болгон маалыматтардын баары жалган, Анарбек динди да, тарыхты да билбейт экендигине күбө. Чала молдо дин бузар сыяктуу Анарбек өзү Куранды бурмалап жатат. Бир жолу атайын кабинетине бардым, сүйлөшөйүн деп, барсам кабыл алды. Отурдук, карасам рабочий столунун үстүндө еврейлердин (израильдин) желеги турат. Анан ал Куранды, котормосу менен алып чыкты, анан жанагы макалада болгон "лапшаларды" иле баштады. Кудайыма шүгүр, Анарбек айтып жаткан нерселер туралуу, менде туура маалымат бар эле. Ага түшүндүрөйүн десем да, укпай ачуусу келип, колунда кармап турган ыйык Куранды жерге ыгытып жиберди. Андан кийин түшүндүм бул киши - еврейлердин кишиси, атайын элибиздин туура динин бузуш үчүн аракет жасап жатат. Карасаңыз агай, бул макала элибизди расизм, нацизмге үгүттөп жатат (еврейлердин методу).
Менин суранычым Жанызак агай, ким көрүнгөн эле биздин динди, Кураныбызды, пайгамбарыбызды (саля ЛЛАХУ алейхи ва салям), жамандай береби ? Анарбек болсо теңиризмге ишенет, ишенсе анын өзүнүн эрки, бирок башка динди мазактаган туура эмес го, деп эсептейм.
Сөзүмдүн акырында агай, Сизден суранарым, мен түшүнүп турам редакциянын көз карашы мындай эмес жана редакция алар үчүн жооп берберин, бирок бул макала "межрелигиозный конфликтке" алып барышы мүмкүн. Ошол себептен агай, ушундай макалаларды жарыялаганга тыйуу салышынызды суранам.
Сизди урматтап иниңиз Тимур Нарбеков !!!
ЖоопЫрыскелди, ("Ачык саясаттын" учурдагы башредактору - Ж.) салам.
Бу катты карап койчу. Анан, балким, жоопту өзүң берээрсиң.
Темир иничек, мен Түпкыргыз тараптамын. Түпкыргыз Чыңгыз Айтматов бийиктигинде.
Чыңгыз атабыз Ашым аке Жакыпбековдун "Теңири Манас" деген китебине жазган башсөзүндө:
"Ылайым бизди Көкө Теңир колдоп, Манас Атабыздын арбагы жолдосун!"
деп бата бергени бар.
Мен ошо батага кошулам.
Баса, мен Чыңгыз Атабызды эки персона катары карайм:
1.
чыгармачыл Чыңгыз -
бу жагынан мен а кишинин Арбагына таазим кылам жана ылайым кыргыз калемгерлерин Чыңгыз Атабыздын Арбагы колдоп жүрсүн деп тилейм.
2.
дене Чыңгыз -
эми бу жагын мен анчейин мактай албайм, сиз тараптуу кыргыздар асемдеп көмбөдүңөрбү арабчалап, ылайым ошолордун бейишинин төрүндө отура берсин...
Эми, "Ачык саясат" гезити сиздин катыңызга кандай мамиле жасайт, мен анысын билбейт экенмин. Менимче, сиздин атаңыз Омор аке Нарбеков Чыңгыз ыракматыны терең урматтаса керек эле. Андай болгондо Залкардын Манас Атабызга жана Көкө Теңирге мамилесин да кошо бөлүшсө керек. Ал эми сиздин жолуңуз, албетте, сиздин жолуңуз бойдон калат, мында талаш жок...
Сиз туура белгилегендей, Анарбек Усупбаевдин жазгандары редакциянын көз карашы эмес.
Пикириңиз болсо "Ачык саясаттын" өзүнө жазганыңыз дурус болор.
Мен сайттын гана ээсимин - мен, чындап келсе, редакциялардын бираз кызматчысы сыңары, бираз кошоматчысымын жана ошолор кылган иш туура болсо да, натуура болсо да мен ошол редакцияга берген орунда так ошол редакциянын гана сөздөрү жазылат жана мен бу жагынан алганда алардын укугу мен үчүн ыйык деп эсептейм.
Байкагандырсыз, менде "Ислам нуру" деле, "Көк Асаба" деле жана башка тикелей карама-каршы багытта делгендей "Ачык Саясат" менен "Кыргыз Туусу" сыяктуу көз караштагы гезиттер жанаша жана тынчтыкта жашашат. Алардын баары менин досум жана мен алардын ар биринин жеке көз карашын урматтайм, бирок менин ички дүйнөмө алар кенедей да таасир бералбайт.
Саламым менен
Көкө Теңир багытындагы Ыйса Теңир жолунда
Семетей_дин жарлыктарын кыргызыма тынбай сайрап жүргөн нукура жаратылыш КЫРГЫЗы,
Саламым менен
Жанызак,
http://www.presskg.com
gb •
Меймансаптагы соңку кабарлар:
Меймансаптын материалдарын толугу менен биерден окуйсуз...
|
