Мен жогорудагы тергич вариантын кыргыз тили үчүн орус жайгашына (раскладкасына) ылайыкташтыргам жана кыргыз жайгашындагы олдоксондукту (кошумча көптөгөн топчулар аркылуу кыргыз тамгасын түшүрүү сыяктуу) да жойгом эчак эле.
Менин бул аракеттерим Эмил Асановдун ого бетер олдоксон кыргыз тергичине альтернатива катары жасалган
(негизи, мен Эмилдин тергичин эч качан пайдаланган эмесмин - ага чейин менин 1Janyzak... вариантындагы тамгаларымда кыргыздын тийиштүү үч тамгасы программа жолу менен орус тамгаларынын кыргыз тилинде аз же болбосо таптакыр колдонулбай турган топчуларына орнотулган болчу).
Мен сунуштаган вариантта иштеген редакциялардын компьютерлеринде эки гана: RU
жана EN
жайгаштары турат..
Каалагандар, албетте, KY (кыргыз)
вариантын да коюп алса болот.
Бир жолу Түрк-Манас университетине Кадыралы Конкобаев чакыртыптыр мени. Агезде мен "Аалам" гезитин чыгарып жүрчүмүн интернетке. Ал гезитте Жумабай Дабын уулу иштечү. Ал азыр "Обон" гезитинде иштеп жатат. Ошо Жумабай барып айтыптыр да Конкобаевге менин вариантым жөнүндө.
Мен барып а кишинин компьютерин көрсөм, кудай бетин салбасын, кеминде 5 (беш!) жайгаш орнотулган экен компьютерине - орусча, англисче, түркчө, Эмил Асановдун вариантындагы (кошумча өзүнчө илинип турчу) кыргызчасы, дагы бирдеме тилдеги!
Мен ал жайгаштардын баарын эки гана жайгашка - RU менен EN
жайгаштарына орнотуп бергем.
Бул өтө эле жөнөкөй жасалат...
Демек, мындай аракеттер жаңылык деле эмес.
Менин вариантымда иштей баштаган эң алгачкы редакция - "Бишкек таймс" гезити ал вариантты компьютерлерине болжолу 2003-2004-жылдары орноткон.
"Бишкек таймс" гезити менин сайтымда 2003-жылы март айынан баштап чыга баштаган - мына бу даректен алардын архивин карап көрсөңөр болот:
Мен жасаган интернет жана компьютер багытындагы иштерге эч качан патент алам деп далбастаган эмесмин жана албайм дагы, себеби ал нерселердин баары эчак патенттелген. Мен жасагандар болгону know how - ноу-хау("знаю как", "кандай кылышты билем") деңгээлинде.
Демек, алиги жигит да куру далбастап жатат деп эсептейм. Себеби патент бөлүмүнүн башына азыр Улан Мелисбек келди - кыргыздар арасында бу жаатындагы чоң устат десек болот. Ал жигит бу жигиттин аракетин колдойт деп ишене албайм.
Баса, "/" топчусуна орус жана кыргыз кириллицасында "чекит" жана "үтүр" тыныш белгилери жайгашкан жана бу тыныш белгилери үчүн эң ылайыктуу топчу, андыктан биерге "Өө" тамгасын орнотуу бери дегенде олдоксондук болот ко дейм...
Сайт жөнүндө: ► Бул айылда негизинен кыргыз гезиттери электрондук тиркеме түрүндө жарыяланат. ►Архивге, емейлге жана редакцияга шилтемелер
ошол гезиттин башбарагында берилген. ► Жеке макала жарыялоого буйрутмалар кабыл алынат.
Сведения о сайте: ► На сайте публикуются в основном кыргызскоязычные газеты
в виде электронных подшивок данных газет. ► Ссылки на архивы, емейл и данные о редакции указаны на главной странице конкретной газеты. ►Принимаются заказы на публикацию частных статей.
