Кыргыз гезиттери


ПОИСК ГАЗЕТЫ


Warning: include(../../post/0_jan.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 2

Warning: include(../../post/0_jan.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 2

Warning: include() [function.include]: Failed opening '../../post/0_jan.htm' for inclusion (include_path='.:') in /var/www/u0371622/data/www/presskg.com/uch/11/0317_2.htm on line 2


Warning: include(../../search.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 2

Warning: include(../../search.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 2

Warning: include() [function.include]: Failed opening '../../search.htm' for inclusion (include_path='.:') in /var/www/u0371622/data/www/presskg.com/uch/11/0317_2.htm on line 2
  Өпкүлөп турса кең Мекен,
Өмүрбек болуш эмне экен?!

Банк, бензин, бакстар + кыргыз өкмөтү= бүткүл өлкөнү бабандаштыруубу?
Бабанов Минскиге эмнеге барды?
Кремлдин саясатын жүргүзгөн "The Moskow Post" аттуу электрондук басылмасы сенсациялык маалымат таратты. Жакында кыргыз өкмөтүнүн биринчи вице-премьер-министри Минск шаарына жашыруун учуп барып, Марат жана Максим Бакиевдер, ошондой эле Курсалиевичтин мезгилиндеги дөө-шаа аткаминерлер менен жолугуп, чогуу-чаран далай саясый, бизнес келишимдерге кол алышып келиптир. Эмнегедир Бабановдун маалымат кызматы бул тиришумдук кабар чыкканына бир жума өткөнүнө карабастан, ак же көк деп үн катпаганы өтө кызык.

Путин аке сөөмөй кезейт
Эртең премьер-министр А.Атамбаев Москвадан орусиялык кесиптеши В.Путин менен кеңири сүйлөшүү жүргүзөт. Белгилүү журналист-политолог А.Дубновдун божомолунда бул жолугушууда Кремлдин кожоюну кыкеңдердин башаламан жана түшүнүксүз жоруктарына нааразылык билдирип, эркекче позиция карманууга чакырат. Андан сырткары, Владимир Владимирович кыргыз өкмөтүнүн башчысынын 1-орунбасары Ө.Бабановдун жеке бизнес кызыкчылыгы эки өлкөнүн ортосундагы мамиледен бийик турбастыгын баса белгилейт экен. Ушуга жеттикпи?

Макс менен Өмүрчик Шарипа апасын кантип "жылаңачташкан"?
Үч жыл мурда өлкөдөгү эң ири банк АКБ "Кыргызстан" түшүнүксүз себептер менен чыныгы кожейкеси Шарипа Садыбакасованын колунан чыгып, жаш олигархтардын менчигине өткөн. Азыр ачыкка чыгып отургандай, ал кезде Максим Бакиев коркутуу жолу менен банкты зордоп тартып алып, акысына Садыбакасовага кичкинтай "Аманбанк" менен Бабановдун 1 млн. доллар акчасын карматып, кутулушкан имиш. Андан ары Максим жөөттүгүнө салып, АКБ "Кыргызстанды" Ө.Бабановго 25 млн. долларга саткан. Ошентип, апаларынан да улуу Шарипа айымды "жылаңачташып", мамлекеттик рэкеттин бийик үлгүсү менен бирөөнүн олчойгон менчигин тартып алышкан банк азыр Бабанчиктин жеке менчигинде иштеп жаткан кези.

Сурабалдиевдин автобазарын менчиктеп
Жогорку Кеңештин экс-депутаты ыраматылык Ж.Сурабалдиевдин Бишкектин четиндеги "Кудайберген" автобазары дагы рейдерлик жол менен Өмүрбек Токтогуловичтин менчигине өтүп, бүгүн шыкылдатып акча тууп берип жатат дешет. Ага да ыраазы болбогон Өмүкең "бирөө ичерге суу таппай жүрсө, экинчиси кечерге суу таппайт" деген сымал, сокулуктуктар эгин айдай албай жер талашып жүрүшсө, ошол автобазардын нак маңдайындагы 200 гектар (!) жерди менчиктеп, Бакиевдин убагында биринчи вице кезинде аны айыл чарбага колдончу милдетинен ажыратып, трансформациялап, таптакыр жапайы капитализмдин нугуна буруп койгон. Буга деле унчуккан жан көрүнбөйт.

Изи сууган 20 млн. доллар
Республикалык салык инспекциясынын мурдагы жетекчиси А.Касымалиев бир жарым жыл мурда Бабановдун "Манас интернационал сервиз ЛТД" компаниясы мамлекеттен 20 млн. доллар жашырып койгондугу жөнүндө расмий документтерди жарыялаган. Бул баягы америкалыктардын аскер базасына жеткизилип жаткан күйүүчү майдан өөнөлгөн Бабанов империясынын кичинекей гана коррупциялык көрүнүшүнөн. Далилдүү кашкайган фактылар турса дагы аны Токтогулович караманча моюнга албай, бүгүнкү бийлигинен пайдаланып, сот аркылуу жокко чыгарууга жандалбастап жатат.

Байболовдорго чабуул жасап
Эки күндөн бери "Мегакомдун" айланасындагы ызы-чуу туу чокусуна жетип, Башпрокуратура, Жогорку Кеңеш, Финполиция, Маммүлк министрлиги, Силич, Мурзалиев, Орусиянын Мамдумасы, Жекшенкулов, Абдрахманов, Пирматов, айтор, аралашпаган, чабышпаган жан калбай бараткансыйт. А чындыгында Генералдык прокуратура мыйзамды көзгө чукуп, "Мегакомду" кузгундай талап жаткан бүгүнкүнүн манаптарын тартипке келтирүүгө аракет кылганы үчүн айыгышкан тоскоолдуктарга туш болду. Ал аз келгенсип, Башпрокурор К.Байболовго ызырынган биринчи вице-премьер Ө.Бабанов жең ичинен дирижерлук жасап, милиция менен чекисттерди тукуруп, Отунбаева менен Атамбаевдин башын айлантып, таза болбогондо Кубат Калбековичтин жубайы Нуржамалды дагы бул чууга аралаштырууга тытынып киришти. Деги эле "Мегаком" талашында ким жеңет: бабановчул "рейдер кузгундарбы" же мыйзамбы? Күтө туралы.

Маалымат каражатын мал ордуна көрбөй…
Парламенттик шайлоодо "Республика" партиясынын камчысын чаап, оголе мыкты кызмат өтөп берген "Лозунг" гезитин Бабанов мырза кечээ "критке" чапты. Болгон шылтоосу - гезиттин башредактору шефтин уруксаты жок Казакстан президенти Н.Назарбаевге тил тийгизип койгону, андан сырткары, "Республика" партиясынын башкы душманы Ө.Текебаевди гезиттен соккула (!) десе сокпой койгондугу үчүн бул басылма жарыкка чыкпай калды. Андан тышкары, Максимден мураска калган 5-телеканал азыр улутташтыруу укуругуна чалынып, эртеңки тагдыры белгисиз болуп жатканына карабастан, жарым жылдан бери көшөгө артындагы кожоюну Ө.Бабановдун каш серпкени менен гана жашап келатат. Буга улай НТС телеканалы былтыркы 7-апрелге чейин ошол эле Максимдин менчиги болчу, демек, ал дагы улутташтырылмак. Бирок, жаш Өмүкенин тыңдыгынан соттор алхимиялык чечим чыгарышканбы, бу дагы бабанозанын карамагына өтүптүр. Тобо!

Амантай Сарманов




Эшимканов эр экен, эй!
Гезитибиздин өткөн санында генерал Ф.Кулов бекеринен М.Эшимкановду "абдан акылдуу адам" деп мүнөздөбөптүр. Саясый тарыхыбызга кылчайсак, айрыкча 2000-2007-жылдар аралыгында бир казанга баштары кайнабаган кочкорлорду тил табыштырууга, келишпес душмандарды элдештирип, бир багытка бурууга дал ушул Мелис мырза опол тоодой эмгек өтөп, "Көпүрө" атка конгон жайы бар. Аны көралбагандар азыркыга дейре Эшимкановдун бул сапатын тескери жакка буруп жүрүшпөйбү. "Эр экен" дегенибиз, соңку убактагы эле эки окуяны угуп ичибиз жылыды. Январь айынан бери Мелис байкебиз кимдер менен гана жолугушпады - Текебаев, Каптагаев, Кулов, Султанов, Суваналиев, Сариев, Гаипкулов, Чотонов, Сарпашев, Салымбеков, Жекшенкулов, Өмүракунов, Муралиев, Карыбеков, Турганбаев, Сулайманов, Төрөбаев ж.б. Жолукканда дагы жөн гана кирди-чыкты сүйлөшпөй, узак убакыт сырдашып, өлкөдөгү саясаттын күнгөй-тескейине калыс баа берип келатканын бардыгы бир ооздон белгилешүүдө. Мурда күнү болсо Улуттук коопсуздук комитетинин төрагасы К.Дүйшөбаев менен шаардын кафелеринин биринде жолукканын кулагыбыз чалып, Мелис мырзага телефон шыңгыратып, башкы чекист менен кандай секреттерди сүйлөшкөнүнө кызыксак, "эч кандай секрет жок, Кеңеш байке менен саясатчылардын ортосундагы ынтымак, коомубуздун бейпилдиги, "бөлүнгөндү бөрү жейт" таризиндеги кырдаалдан кантип чыгабыз деген гана ой бөлүшүү болду" деп жооп кайтарды. Анан дагы башкалар бийлик коалициясында ар кандай кызмат устукандарын өз ара бөлүшүп, соодалашып жүрүшсө, "а сизге эмнени берели?" деп сурагандарга жалгыз гана Эшимканов "эч нерсенин кереги жок, элибиздин жашоосу кичине эле оңолсо - мага ошол чоң олжо" деп жооп бергени ар кимдин колунан келбесе керек деп ыраазы болдук.

Сакен Бөрүбаев





фкыргыз тилиндеги гезит "Учур"


Warning: include(../../ohkaptal.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 48

Warning: include(../../ohkaptal.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 48

Warning: include() [function.include]: Failed opening '../../ohkaptal.htm' for inclusion (include_path='.:') in /var/www/u0371622/data/www/presskg.com/uch/11/0317_2.htm on line 48


Warning: include(../../rec_art/0_rec.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 48

Warning: include(../../rec_art/0_rec.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 48

Warning: include() [function.include]: Failed opening '../../rec_art/0_rec.htm' for inclusion (include_path='.:') in /var/www/u0371622/data/www/presskg.com/uch/11/0317_2.htm on line 48


Warning: include(../../news/0_art.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 48

Warning: include(../../news/0_art.htm) [function.include]: failed to open stream: No such file or directory in /var/www/u0371622/data/www/presskg.com/uch/11/0317_2.htm on line 48

Warning: include() [function.include]: Failed opening '../../news/0_art.htm' for inclusion (include_path='.:') in /var/www/u0371622/data/www/presskg.com/uch/11/0317_2.htm on line 48